ఈ వారంలో 23750 పైన బుల్లిష్

జనవరి 13-17 తేదీల మధ్య వారానికి ఆస్ట్రో టెక్నికల్ గైడ్   

నిఫ్టీ   :  23432 (-573)  

గత వారంలో నిఫ్టీ 24089 - 23344 పాయింట్ల మధ్యన కదలాడి 573 పాయింట్ల నష్టంతో 23432 వద్ద ముగిసింది. రాబోయే వారాంతంలో 23750  కన్నా  పైన  ముగిస్తే స్వల్ప కాలానికి బుల్లిష్ అవుతుంది. 

- 20, 50, 100, 200 డిఎంఏలు 23548, 23753, 23749, 24095 వద్ద ఉన్నాయి. ఇవి నిరోధ, మద్దతు స్థాయిలుగా నిలుస్తాయి. 50 డిఎంఏ 200  డిఎంఏ కన్నా పైకి రావడం దీర్ఘకాలిక బుల్లిష్  ట్రెండ్ సంకేతం. 

బ్రేకౌట్ స్థాయి : 23750      బ్రేక్ డౌన్ స్థాయి : 23200

నిరోధ స్థాయిలు : 23650, 23750, 23850 (23550 పైన బుల్లిష్) 

మద్దతు స్థాయిలు : 23225, 23125, 23025 (23325 దిగువన బేరిష్)

ఇన్వెస్టర్లకు సూచన : వారం ప్రారంభ స్థాయి కీలకం. ఆ పైన మాత్రమే పొజిషన్లు శ్రేయస్కరం

--------------------------------------  

Ø  గ్రహగతులివే...

ü  మిథునంలోని ఆర్ద్ర  పాదం 4 నుంచి సింహంలోని పుబ్బ పాదం 1 మధ్యలో చంద్ర సంచారం

ü  ధనుస్సులోని  పూర్వాషాఢ పాదం 1-3 మధ్యలో రవి సంచారం 

ü   ధనుస్సులోని  మూల పాదం 4-పూర్వాషాఢ పాదం 3  మధ్యలో  బుధ సంచారం

ü కుంభంలోని శతభిషం పాదం 3-పూర్వాభాద్ర పాదం 1  మధ్యలో శుక్ర సంచారం

ü కర్కాటకంలోని  పుష్యమి పాదం 4లో వక్రగతిలో కుజ సంచారం

ü వృషభంలోని  రోహిణి పాదం 3లో మిథున నవాంశలో వక్రగతిలో బృహస్పతి  సంచారం

ü  కుంభంలోని పూర్వాభాద్ర పాదం 1లో మేష నవాంశలో శని సంచారం

ü  మీనంలోని ఉత్తరాభాద్ర  పాదం 2లో రాహువు, కన్యలోని ఉత్తర పాదం 4లో కేతువు కన్య, మీన నవాంశల్లో సంచారం    

--------------------------------- 

మిడ్ సెషన్ మెరుగు (సోమవారానికి)  

తిథి :  పుష్య శుక్ల  పౌర్ణమి                                                                     

నక్షత్రం : ఆర్ద్ర/పునర్వసు                                   

అప్రమత్తం :    ఆశ్లేష, జ్యేష్ఠ, రేవతి; అశ్విని, మఖ, మూల నక్షత్ర;  మిథున, తుల రాశి జాతకులు    

ట్రెండ్ మార్పు సమయం : 10.36

ఇంట్రాడే ట్రెండ్ : నిఫ్టీ ఉదయం 10.49 వరకు మెరుగ్గా ట్రేడవుతూ తదుపరి 12.23 వరకు నిస్తేజంగా ట్రేడ్ కావచ్చు. తదుపరి 2.07 వరకు మెరుగ్గా  ఉండి ఆ తర్వాత చివరి వరకు నిలకడగా ట్రేడయ్యే ఆస్కారం ఉంది. 

ట్రేడింగ్ వ్యూహం : నిఫ్టీ ఫ్యూచర్స్ మధ్యాహ్నం 11 గంటల సమయానికి ఎటిపి కన్నా దిగువన ట్రేడవుతుంటే తగు స్టాప్ లాస్ తో షార్ట్  పొజిషన్లు తీసుకుని 12.15 గంటల సమయంలో క్లోజ్ చేసుకోవచ్చు.   

టెక్నికల్ స్థాయిలు... 

నిరోధం : 23525, 23600     మద్దతు : 23350, 23300

--------------------------------------------  

సూచన  

v  నిరోధ స్థాయిలు మధ్యాహ్న సెషన్ లోపు తాకినట్టయితే గరిష్ఠ స్థాయిల్లో కొనుగోళ్లు నివారించాలి. బుల్లిష్ లెవెల్ వరకు పుల్ బ్యాక్ ఏర్పడితే రిస్క్ భరించగల ట్రేడర్లు షార్ట్ పొజిషన్లు పరిశీలించవచ్చు. 

v  మద్దతు స్థాయిలు మధ్యాహ్న సెషన్ లోపు తాకినట్టయితే కనిష్ఠ  స్థాయిల్లో కొనుగోళ్లు నివారించాలి. బేరిష్ ట్రిగ్గర్ స్థాయి వరకు పుల్ బ్యాక్ ఏర్పడితే రిస్క్ భరించగల ట్రేడర్లు లాంగ్ పొజిషన్లు పరిశీలించవచ్చు.  

v  పైన ఇచ్చిన ఇంట్రా డే ధోరణి పూర్తిగా గ్రహగతుల ఆధారంగా ఇచ్చినదే. కానీ సరైన ట్రేడింగ్ నిర్ణయాలు తీసుకునే ముందు పైన ఇచ్చిన ఆస్ట్రో సూచనను టెక్నాకల్స్ తో జత చేసి గమనించుకోవాలి. 

v  ఇంట్రా ట్రేడింగ్ రిస్క్ తో కూడుకున్న వ్యవహారం. ఆస్ట్రో సూచనను వాస్తవిక మార్కెట్ కదలికలతో జత చేసి చూసుకోవాలి. టెక్నికల్స్ కు అదనంగా ఇది ఒక సాధనం మాత్రమే. వ్యక్తిగత ఖగోళ చార్ట్ ఆధారంగా లాభ నష్టాలు ఆధారపడి ఉంటాయి. ఆస్ట్రో పండితుడు కేవలం ఏమి జరగవచ్చు అనేది సూచనగా చెబుతాడు. ఫై విశ్లేషణ ఆధారంగా మీరు తీసుకునే నిర్ణయాలకు మా బాధ్యత లేదు.  

గట్టి స్టాప్ లాస్ పాటించండి. క్రమశిక్షణతో విజయవంతంగా ట్రేడ్ చేయండి. 

- డాక్టర్ భువనగిరి అమరనాథ శాస్త్రి, ఆస్ట్రో టెక్నికల్ అనలిస్ట్ 

కుంభ‌మేళాలో ఆర్తి సంగ్ర‌హ్ ఉచిత పంపిణీ

చేతులు క‌లిపిన అదానీ గ్రూప్‌, గీతా ప్రెస్‌

గీతా ప్రెస్ స‌హ‌కారంలో అదానీ గ్రూప్ కుంభ‌మేళాలో "ఆర్తి సంగ్ర‌హ్" ప్ర‌తుల‌ని భ‌క్తుల‌కి ఉచితంగా పంపిణీ చేస్తుంది. ఇది గీతా ప్రెస్ ప్ర‌చురించిన ఆధ్యాత్మిక మంత్రాలు, ఆర‌తుల సంగ్ర‌హం. "స‌నాత‌న్ సాహిత్య సేవ‌"లో భాగంగా ఈ పుస్త‌కాల పంపిణీ జ‌రుగుతుంది. భార‌త సంస్కృతిని సంర‌క్షించి, ప్రోత్స‌హించి, వ్యాప్తి చేయ‌డానికి అంకిత‌మైన గీతా ప్రెస్ ప్ర‌తినిధులు శుక్ర‌వారం అదానీ గ్రూప్ చైర్మ‌న్ గౌత‌మ్ అదానీతో స‌మావేశ‌మ‌య్యారు. "భార‌త సంస్కృతి, మ‌త విశ్వాసాల‌కు సంబంధించిన అతి పెద్ద య‌జ్ఞం మ‌హా కుంభ్‌. అత్యంత ప్ర‌తిష్ఠాత్మ‌క‌మైన సంస్థ గీతా ప్రెస్‌తో క‌లిసి ఈ మ‌హాయ‌జ్ఞంలో భాగ‌స్వామి కావ‌డం మా అదృష్టంగా భావిస్తున్నాను. ఇందులో భాగంగా  మ‌హాకుంభ్‌కు వ‌స్తున్న భ‌క్తుల‌కు కోటి ఆర్తి సంగ్ర‌హ్ పుస్త‌కాలు ఉచితంగా పంపిణీ చేయ‌నున్నాం" అని అదానీ ఒక ఎక్స్ పోస్ట్‌లో తెలిపారు. నిస్వార్ధ సేవ‌, మ‌తం, సంస్కృతి ప‌ట్ల బాధ్య‌తాయుతంగా ప్ర‌వ‌ర్తించ‌డం కూడా ఒక ర‌క‌మైన దేశ‌భ‌క్తిగానే భావించాల‌ని; అందుకు తాము క‌ట్టుబ‌డి ఉన్నామ‌ని ఆయ‌న అన్నారు. "సేవ‌యే ధ్యానం, సేవ‌యే ప్రార్థ‌న‌, సేవ‌యే భ‌గ‌వంతుడు" అని ఆయ‌న వ్యాఖ్యానించారు. 

స‌నాత‌న ధ‌ర్మ సేవ‌కు క‌ట్టుబ‌డిన గీతా ప్రెస్ 2023 సంవ‌త్స‌రంలో 100 సంవ‌త్స‌రాలు పూర్తి చేసుకుంది. ప‌విత్ర‌మైన ఆలోచ‌నా ధోర‌ణితో ప‌ని చేసే ప్ర‌తీ సంస్థ‌ను తాము గౌర‌విస్తామ‌ని, అందుకే అదానీ గ్రూప్‌తో భాగ‌స్వామ్యం కుదుర్చుకున్నామ‌ని గీతా ప్రెస్ ప్ర‌తినిధుల‌న్నారు. "స‌నాత‌న స్ఫూర్తితో గౌత‌మ్ అదానీ ఈ ఆధ్యాత్మిక‌, సాంస్కృతిక ప్ర‌యాణంలో భాగ‌స్వామి కావ‌డం అత్యంత ఆనంద‌దాయ‌కం. దీర్ఘ‌కాలిక స‌హ‌కారం, స‌మ‌న్వ‌యం, విశ్వాసంతో చేప‌ట్టిన ఈ కార్య‌క్ర‌మం స‌నాత‌న ధ‌ర్మ వ్యాప్తి, ప్ర‌చారంలోను;  విశ్వగురు భార‌త్ నిర్మాణంలోను ఎంతో కీల‌కంగా నిలుస్తుంద‌న్న విశ్వాసం గీతా ప్రెస్‌కుంది" అని గీతా ప్రెస్ ప్ర‌ధాన కార్య‌ద‌ర్శి నీల్‌ర‌త‌న్ చంద్గోతియా అన్నారు. అదానీని క‌లిసిన వారిలో గీతా ప్రెస్ ట్ర‌స్టీ దేవీ ద‌యాళ్ అగ‌ర్వాల్‌, ట్ర‌స్ట్ బోర్డు స‌భ్యుడు రామ్ నాయ‌క్ చంద‌క్‌, మేనేజ‌ర్ మ‌ణి తివారీ, ఆచార్య  సంజ‌య్ తివారీ ఉన్నారు.

ఈ ఏడాది ఐపీఓ మార్కెట్ 3500 కోట్ల డాల‌ర్లు

కోట‌క్ మ‌హీంద్రా కేపిట‌ల్ కంపెనీ అంచ‌నా

2025 సంవ‌త్స‌రంలో భార‌త ఈక్విటీ మార్కెట్లో 3500 కోట్ల డాల‌ర్ల (రూ. 2.99 ల‌క్ష‌ల కోట్లు) విలువ గ‌ల ప‌బ్లిక్ ఇష్యూలు జారీ కావ‌చ్చున‌ని కోట‌క్ మ‌హీంద్రా కేపిట‌ల్ కంపెనీ (కెఎంసిసి) అంచ‌నా వేసింది. 2024 సంవ‌త్స‌రంలో ప్రైమ‌రీ మార్కెట్ నుంచి కంపెనీలు స‌మీక‌రించిన 2200 కోట్ల డాల‌ర్ల‌తో (రూ.1.88 ల‌క్ష‌ల కోట్లు) పోల్చితే ఇది చాలా అధికం. ఒక్క ఫైనాన్షియ‌ల్ స‌ర్వీసుల రంగంలోని కంపెనీలే 900 కోట్ల డాల‌ర్ల (రూ.76,950 కోట్లు) విలువ గ‌ల ప‌బ్లిక్ ఇష్యూల‌కు రంగం సిద్ధం చేసుకున్నాయి.  వాటిలో హెచ్‌డిబి ఫైనాన్షియ‌ల్ స‌ర్వీసెస్‌, అవాన్సే ఫైనాన్షియ‌ల్ స‌ర్వీసెస్‌, టాటా కేపిట‌ల్ ఉన్నాయి. 500 కోట్ల డాల‌ర్ల (రూ.42,750 కోట్లు) ఇష్యూల‌తో డిజిట‌ల్ టెక్నాల‌జీ కంపెనీలు త‌ర్వాతి స్థానంలో నిలిచాయి. ఇకామ్ ఎక్స్‌ప్రెస్‌, ఓలా, జెప్టో, పెప్ప‌ర్ ఫ్రై వాటిలో ఉన్నాయి. కంపెనీలు జారీ చేయాల‌నుకుంటున్న ఐపిఓల ప‌రిమాణం కూడా నిరంతరం పెరుగుతూ వ‌స్తోంద‌ని, పెట్టుబ‌డుల కోసం నిధుల స‌మీక‌ర‌ణ‌కు ఐపీఓలే చ‌క్క‌ని మార్గ‌మ‌ని కంపెనీలు భావిస్తున్నాయ‌ని అంటున్నారు. 2024 సంవ‌త్స‌రంలో జారీ అయిన ఐపీఓలు లిస్టింగ్ రోజున న‌మోదు చేసిన ప్రీమియం స‌గ‌టు 32.8 శాతం ఉన్న‌ట్టు కెఎంసిసి తెలిపింది. విదేశీ సంస్థాగ‌త ఇన్వెస్ట‌ర్లు కూడా పెట్టుబ‌డుల‌కు సెకండ‌రీ మార్కెట్ క‌న్నా ఐపిఓల‌కే ప్రాధాన్యం ఇస్తున్న‌ట్టు పేర్కొంది. 2024 సంవ‌త్స‌రంలో జారీ అయిన రూ.27,000 కోట్ల విలువ గ‌ల‌ హ్యుండై భారీ ఐపిఓ విజ‌య‌వంతం కావ‌డంతో ప‌లు బ‌హుళ‌జాతి సంస్థ‌లు త‌మ పెట్టుబ‌డుల విలువ‌ను సొమ్ము చేసుకునేందుకు ఐపిఓ మార్కెట్ వైపే చూస్తున్న‌ట్టు చెబుతోంది. 

కుంభ‌మేళాలో అదానీ, ఇస్కాన్ "మ‌హాప్ర‌సాద సేవ‌"

ప్ర‌యాగ్‌రాజ్‌లో వచ్చే సోమ‌వారం నుంచి ప్రారంభం కానున్న కుంభ‌మేళాలో భ‌క్తుల‌కు  మ‌హాప్ర‌సాద సేవ నిర్వ‌హించేందుకు ప్ర‌ముఖ పారిశ్రామిక గ్రూప్ అదానీ, ఇస్కాన్ చేతులు క‌లిపాయి. కుంభ‌మేళా జ‌రిగే కాలం జ‌న‌వ‌రి 13వ తేదీ నుంచి ఫిబ్ర‌వ‌రి 26వ తేదీ వ‌ర‌కు అన్ని రోజులూ ఈ మ‌హాప్ర‌సాద సేవ నిరంత‌రాయంగా నిర్వ‌హిస్తారు. అదానీ గ్రూప్ చైర్మ‌న్ గౌత‌మ్ అదానీ గురువారం ఇస్కాన్ పాల‌క మండ‌లి (జిబిసి) చైర్మ‌న్ గురుప్ర‌సాద్ స్వామితో స‌మావేశ‌మ‌య్యారు.  కుంభ‌మేళా అనేది సేవ చేసేందుకు ఒక ప‌విత్ర స్థ‌లం. "ప్ర‌తీ భ‌క్తుడు కూడా భ‌గ‌వంతుని సేవ‌లో పాల్గొని త‌రిస్తూ ఉంటాడు. అలాంటి భ‌క్తుల కోసం ఇస్కాన్‌తో క‌లిసి మ‌హాప్ర‌సాద సేవ ప్రారంభించ‌డం నా అదృష్టం" అని అదానీ అన్నారు. అన్న‌పూర్ణాదేవి ఆశీస్సుల‌తో ల‌క్ష‌లాది మందికి ఈ స‌మ‌యంలో ఉచితంగా ఆహారం అందిస్తామ‌ని ఆయ‌న చెప్పారు. త‌న దృష్టిలో సేవ అనేది దేశ‌భ‌క్తికి అత్యున్న‌త రూప‌మ‌ని ఆయ‌న అన్నారు. ఈ కాలంలో  50 ల‌క్ష‌ల మంది పైగా భ‌క్తుల‌కు ఆహారం అంద‌చేస్తారు. ఆహారాన్ని కుంభ‌మేళా జ‌రిగే ప్రాంతంలోను, వెలుప‌ల ఏర్పాటు చేసిన రెండు వంట‌శాల‌ల్లో త‌యారుచేస్తారు.  40కి పైగా ప్ర‌దేశాల్లో ఆహారం పంపిణీ చేస్తారు. 2500 మంది పైగా వ‌లంటీర్లు ఆహారం పంపిణీలో పాల్గొంటారు. ఇక అంగ‌విక‌లురు, వృద్ధులు, పిల్ల‌ల త‌ల్లుల కోసం గోల్ఫ్  కార్ట్‌లు ఏర్పాటు చేయ‌నున్నారు. గీతా సార్ ఐదు ల‌క్ష‌ల కాపీలు కూడా పంపిణీ చేస్తారు.

"అదానీ గ్రూప్ అనేది కార్పొరేట్ సామాజిక బాధ్య‌త‌లు, సామాజిక సేవ‌కు చ‌క్క‌ని ఉదాహ‌ర‌ణ‌. గౌత‌మ్ అదానీ విన‌మ్ర‌త‌కు మారుపేరు. నిస్వార్ధ సేవ అందించే విష‌యంలో ముంద‌డుగేసేందుకు ఎవ‌రి ఆహ్వానం కోస‌మో ఎదురు చూసే మ‌నిషి కాదు. ఆయ‌న అందిస్తున్న స‌హాయానికి నేనెంతో ఆనందిస్తున్నాను. త‌న‌ను ఈ స్థాయికి తెచ్చిన స‌మాజానికి తిరిగి ఇవ్వాల‌న్న ఆయ‌న అంకిత భావం అంద‌రికీ స్ఫూర్తిదాయ‌కం". అని స్వామీజీ అన్నారు. 

40 కోట్ల పైబ‌డిన ఇళ్ల‌కు భ‌లే గిరాకీ

దేశంలో ల‌గ్జ‌రీ గృహాల‌కు డిమాండు పెరిగిపోతోంది. రూ.40 కోట్ల ధ‌ర పైబ‌డిన ఇళ్ల డిమాండు 2024 సంవ‌త్స‌రంలో చారిత్ర‌క గ‌రిష్ఠ స్థాయిలో పెరిగిపోయిన‌ట్టు రియ‌ల్ ఎస్టేట్ క‌న్స‌ల్టింగ్ కంపెనీ అన‌రాక్ గ‌ణాంకాలు తెలుపుతున్నాయి. దేశంలోని ఏడు ప్ర‌ధాన న‌గ‌రాల్లో 59 గృహ‌లైతే రూ.4794 కోట్ల‌కి అమ్ముడు పోయాయ‌ట‌. అంటే ఒక్కో ఇల్లు స‌గ‌టు ధ‌ర 81 ల‌క్ష‌ల‌కు పైబ‌డే ఉంది.  ఆ 59 ఇళ్ల‌లో 53 అపార్ట్‌మెంట్లు కాగా మిగిలిన ఆరు విల్లాల‌ని అన‌రాక్  తాజా నివేదిక‌లో తెలిపింది. ఒక ప‌క్క ఇళ్ల ధ‌ర‌లు అనూహ్యంగా పెరిగిపోతున్నా ఈ ఏడు న‌గ‌రాల్లోనూ అల్ట్రా ల‌గ్జ‌రీ గృహాల కొనుగోలుకు జ‌నం ప‌రుగులు తీశార‌ని  తెలియ‌చేసింది. ఆ ఏడు ప్ర‌ధాన న‌గ‌రాల్లో ఢిల్లీ-ఎన్‌సిఆర్‌, ముంబై మెట్రోపాలిట‌న్ రీజిన్‌, బెంగ‌ళూరు, హైద‌రాబాద్‌, పూణె, చెన్నై, కోల్క‌తా ఉన్నాయి. డీల్స్ సంఖ్య‌, వాటి అమ్మ‌క‌పు విలువ రెండూ ముందు సంవ‌త్స‌రంతో పోల్చితే గ‌ణ‌నీయంగా పెర‌గ‌డాన్ని బ‌ట్టి వాటికి ఎంత‌గా డిమాండు ఉన్న‌ది అర్ధం అవుతుంద‌ని అన‌రాక్ చైర్మ‌న్ అనుజ్ పురి అన్నారు. ఏడు న‌గ‌రాల్లో అమ్ముడుపోయిన 59 అల్ర్టా ల‌గ్జ‌రీ ఇళ్లలో 52 ఇళ్లు ఒక్క ముంబైలోనే అమ్ముడుపోయాయి. ఢిల్లీ ఎన్‌సిఆర్‌లో మూడు ఇళ్లు అమ్ముడుపోగా బెంగ‌ళూరు, హైద‌రాబాద్‌ల‌లో రెండేసి డీల్స్  చోటు చేసుకున్నాయి.  అప‌ర కుబేరులు, కుబేరులు వ్య‌క్తిగ‌త వినియోగం, పెట్టుబ‌డి అవ‌స‌రాల‌కి లేదా రెండింటి కోసం ఈ ఇళ్లు కొనుగోలు చేశారు. సంఖ్యాప‌రంగా చూస్తే 2023 సంవ‌త్స‌రంతో పోల్చితే అమ్ముడుపోయిన గృహాల సంఖ్య కేవ‌లం ఒక్క‌టి ఎక్కువ‌గా ఉంది. కాని విలువ మాత్రం 17 శాతం పెరిగింది అని పురి చెప్పారు. 

వంటింట్లో ధ‌ర‌ల మంట‌

ట‌మాటా, బంగాళాదుంప వంట‌గ‌దుల్లో మంట‌లు రేపుతున్నాయి. ఈ రెండింటి ధ‌ర‌ల కార‌ణంగా ఇళ్ల‌లో వంట వ్య‌యాలు గ‌ణ‌నీయంగా పెరిగాయ‌ని రేటింగ్ ఏజెన్సీ క్రిసిల్ తెలిపింది. ఒక ప్లేట్‌ సాధార‌ణ వెజిటేరియ‌న్ ఆహారం త‌యారీ వ్య‌యం 2023 డిసెంబ‌రులో రూ.29.7 ఉండ‌గా గ‌త డిసెంబ‌రు నాటికి 6 శాతం వృద్ధితో రూ.31.6కి చేరింద‌ని తాజా నివేదిక‌లో తెలియ‌చేసింది. అయితే న‌వంబ‌రులో న‌మోదైన ధ‌ర రూ.32.7తో పోల్చితే మాత్రం కొంత త‌గ్గింది. ఆహార వ‌స్తువుల త‌యారీపై స‌గ‌టు మ‌నిషి చేసే వ్య‌యాన్ని మ‌దింపు చేసేందుకు రోటీ, రైస్‌, రేట్ పేరిట నివేదిక రూపొందించింది. ఒక ప్లేట్ నాన్ వెజిటేరియ‌న్ ఆహారం త‌యారీ వ్య‌యం 2023 డిసెంబ‌రుతో పోల్చితే 12 శాతం, న‌వంబ‌రు నెల‌తో పోల్చితే 3 శాతం పెరిగి రూ.63.3కి చేరింది. 

ధ‌ర‌ల పెరుగుద‌ల ఇలా...

ఆహార ప‌దార్థాల త‌యారీ వ్య‌యాలు ఇంత‌గా పెరిగిపోవ‌డానికి కార‌ణం వివ‌రిస్తూ డిసెంబ‌రు నెల‌లో ట‌మాటా ధ‌ర 24 శాతం పెరిగి కిలో రూ.47 ప‌లికింద‌ని, బంగాళాదుంప ధ‌ర 50 శాతం పెరిగి కిలో రూ.36 ప‌లికింద‌ని పేర్కొంది. వెజిట‌బుల్ ఆయిల్‌పై ప్ర‌భుత్వం దిగుమ‌తి సుంకం పెంచిన కార‌ణంగా ధ‌ర 16 శాతం పెరిగిన‌ట్టు తెలిపింది. అయితే ఎల్‌పిజి ధ‌ర వార్షిక ప్రాతిప‌దిక‌న 11 శాతం త‌గ్గ‌డం వ‌ల్ల ఆహార త‌యారీ వ్య‌యంపై ప్ర‌భావం కొంత మేర‌కు అదుపులో ఉన్న‌ట్టు పేర్కొంది. అయితే న‌వంబ‌రు నెల‌తో పోల్చితే మార్కెట్లో స‌ర‌ఫ‌రా పెరిగిన కార‌ణంగా ట‌మాటా ధ‌ర 12 శాతం త‌గ్గిన‌ట్టు తెలిపింది. ఇది ఆహార ప‌దార్ధాల త‌యారీపై వ్య‌యం మూడు శాతం త‌గ్గ‌డానికి దోహ‌ద‌ప‌డింద‌ని పేర్కొంది. అలాగే ఉల్లి ధ‌ర 12 శాతం, బంగాళాదుంప ధ‌ర 2 శాతం త‌గ్గింది. ఇవ‌న్నీ వెజిట‌బుల్ ఆహార ధ‌ర‌ల పెరుగుద‌ల స్థాయి త‌క్కువ‌గా ఉండ‌డానికి దోహ‌ద‌ప‌డ్డాయి. ఇక నాన్ వెజిటేరియ‌న్ ఆహారాల విష‌యానికి వ‌స్తే బ్రాయిల‌ర్ ధ‌ర 20 శాతం పెరిగింది. దేశంలో శీత గాలుల తీవ్ర‌త ప్ర‌భావం బ్రాయిల‌ర్‌ ధ‌ర‌ల‌పై 11 శాతం ఉండ‌గా వివాహాలు, పండుగ‌ల సీజ‌న్ ప్ర‌భావం 3 శాతం ఉంది. 

వైర‌స్ అటాక్‌

 1260 పాయింట్లు ప‌త‌న‌మైన సెన్సెక్స్ 

మార్కెట్లో అమ్మ‌కాలు హోరెత్త‌డంతో సోమ‌వారం ఈక్విటీ సూచీలు భారీ న‌ష్టాలు న‌మోదు చేశాయి. చైనాలో కొత్త‌గా క‌నుగొన్న హెచ్ఎంపివి వైరస్  భ‌యాల‌తో పాటు మూడో త్రైమాసికం ఆర్థిక ఫ‌లితాల‌పై నెల‌కొన్న అనిశ్చితి, విదేశీ నిధుల భారీ త‌ర‌లింపు మార్కెట్‌ను కుంగ‌దీశాయి. రూపాయి క్షీణ‌త‌, ఆసియా మార్కెట్ల‌లో బ‌ల‌హీన ధోర‌ణి కూడా సెంటిమెంట్‌పై ప్ర‌భావం చూపాయి. దీంతో  సెన్సెక్స్ 1258.12 పాయింట్ల న‌ష్టంతో 77,964.99 వ‌ద్ద ముగిసింది. ఇంట్రాడేలో ఈ సూచీ 1441.49 పాయింట్లు దిగ‌జారి 77,781.62 వర‌కు కూడా క్షీణించింది. బిఎస్ఇలో లిస్ట‌యిన షేర్ల‌లో 3474 షేర్లు న‌ష్ట‌పోగా 656 షేర్లు మాత్ర‌మే లాభ‌ప‌డ్డాయి. 114 షేర్ల ధ‌ర‌లు ఏ మాత్రం క‌ద‌లిక లేకుండా త‌ట‌స్థంగా ఉండిపోయాయి. నిఫ్టీ 388.70 పాయింట్లు న‌ష్ట‌పోయి 23,616.05 వ‌ద్ద ముగిసింది. నిఫ్టీ, బ్యాంక్ నిఫ్టీ రెండూ 200 డిఎంఏ క‌న్నా దిగువ‌కు ప‌డిపోయాయి. బిఎస్ఇ స్మాల్‌క్యాప్ సూచీ 3.17%, మిడ్‌క్యాప్ సూచీ 2.44% న‌ష్ట‌పోయాయి. బిఎస్ఇలో రంగాల‌వారీ సూచీల‌న్నీ కూడా 2.74% నుంచి 4.16% మ‌ధ్య‌లో  న‌ష్ట‌పోయాయి. 

రూ.10.98 ల‌క్ష‌ల కోట్లు ఆవిరి

సోమ‌వారం నాటి ప‌త‌నంలో రూ.10.98 ల‌క్షల కోట్ల మార్కెట్ సంప‌ద ఆవిరైపోయింది. బిఎస్ఇలో లిస్ట‌యిన కంపెనీల మార్కెట్ విలువ ఒక్క రోజులోనే రూ.10,98,723.54 కోట్లు దిగ‌జారి రూ.4,38,79,406.58 కోట్ల (5.11 ల‌క్ష‌ల కోట్ల డాల‌ర్లు) వ‌ద్ద స్థిర‌ప‌డింది. శుక్ర‌వారంనాడు విదేశీ ఇన్వెస్ట‌ర్లు భార‌త మార్కెట్ నుంచి రూ.4227.25 కోట్లు త‌ర‌లించుకుపోయారు.

ఈ వారంలో 24300 పైన బుల్లిష్

జనవరి 6-10 తేదీల మధ్య వారానికి ఆస్ట్రో టెక్నికల్ గైడ్   

నిఫ్టీ   :  24005 (+192) 

   

గత వారంలో నిఫ్టీ 24226 - 23460 పాయింట్ల మధ్యన కదలాడి 192 పాయింట్ల లాభంతో 24005 వద్ద ముగిసింది. రాబోయే వారాంతంలో 24300  కన్నా  పైన  ముగిస్తే స్వల్ప కాలానికి బుల్లిష్ అవుతుంది. 

- 20, 50, 100, 200 డిఎంఏలు 23948, 23821, 23959, 24189 వద్ద ఉన్నాయి. ఇవి నిరోధ, మద్దతు స్థాయిలుగా నిలుస్తాయి. 50 డిఎంఏ 200  డిఎంఏ కన్నా పైకి రావడం దీర్ఘకాలిక బుల్లిష్  ట్రెండ్ సంకేతం. 

బ్రేకౌట్ స్థాయి : 24300      బ్రేక్ డౌన్ స్థాయి : 23600

నిరోధ స్థాయిలు : 24200, 24300, 24400 (24100 పైన బుల్లిష్) 

మద్దతు స్థాయిలు : 23800, 23700, 23600 (23900 దిగువన బేరిష్)

ఇన్వెస్టర్లకు సూచన : వారం ప్రారంభ స్థాయి కీలకం. ఆ పైన మాత్రమే పొజిషన్లు శ్రేయస్కరం

--------------------------------------  

Ø  గ్రహగతులివే...

ü  మీనంలోని ఉత్తరాభాద్ర పాదం 3 నుంచి వృషభంలోని  రోహిణి పాదం 1 మధ్యలో చంద్ర సంచారం

ü  ధనుస్సులోని  పూర్వాషాఢ పాదం 3-4 మధ్యలో రవి సంచారం 

ü   ధనుస్సులోని  మూల పాదం 1-3  మధ్యలో  బుధ సంచారం

ü కుంభంలోని శతభిషం పాదం 1-3  మధ్యలో శుక్ర సంచారం

ü కర్కాటకంలోని  పుష్యమి పాదం 1లో వక్రగతిలో కుజ సంచారం

ü వృషభంలోని  రోహిణి పాదం 3లో మిథున నవాంశలో వక్రగతిలో బృహస్పతి  సంచారం

ü  కుంభంలోని పూర్వాభాద్ర పాదం 1లో మేష నవాంశలో శని సంచారం

ü  మీనంలోని ఉత్తరాభాద్ర  పాదం 2లో రాహువు, కన్యలోని ఉత్తర పాదం 4లో కేతువు కన్య, మీన నవాంశల్లో సంచారం     

--------------------------------- 

సూచన  

v  నిరోధ స్థాయిలు మధ్యాహ్న సెషన్ లోపు తాకినట్టయితే గరిష్ఠ స్థాయిల్లో కొనుగోళ్లు నివారించాలి. బుల్లిష్ లెవెల్ వరకు పుల్ బ్యాక్ ఏర్పడితే రిస్క్ భరించగల ట్రేడర్లు షార్ట్ పొజిషన్లు పరిశీలించవచ్చు. 

v  మద్దతు స్థాయిలు మధ్యాహ్న సెషన్ లోపు తాకినట్టయితే కనిష్ఠ  స్థాయిల్లో కొనుగోళ్లు నివారించాలి. బేరిష్ ట్రిగ్గర్ స్థాయి వరకు పుల్ బ్యాక్ ఏర్పడితే రిస్క్ భరించగల ట్రేడర్లు లాంగ్ పొజిషన్లు పరిశీలించవచ్చు.  

v  పైన ఇచ్చిన ఇంట్రా డే ధోరణి పూర్తిగా గ్రహగతుల ఆధారంగా ఇచ్చినదే. కానీ సరైన ట్రేడింగ్ నిర్ణయాలు తీసుకునే ముందు పైన ఇచ్చిన ఆస్ట్రో సూచనను టెక్నాకల్స్ తో జత చేసి గమనించుకోవాలి. 

v  ఇంట్రా ట్రేడింగ్ రిస్క్ తో కూడుకున్న వ్యవహారం. ఆస్ట్రో సూచనను వాస్తవిక మార్కెట్ కదలికలతో జత చేసి చూసుకోవాలి. టెక్నికల్స్ కు అదనంగా ఇది ఒక సాధనం మాత్రమే. వ్యక్తిగత ఖగోళ చార్ట్ ఆధారంగా లాభ నష్టాలు ఆధారపడి ఉంటాయి. ఆస్ట్రో పండితుడు కేవలం ఏమి జరగవచ్చు అనేది సూచనగా చెబుతాడు. ఫై విశ్లేషణ ఆధారంగా మీరు తీసుకునే నిర్ణయాలకు మా బాధ్యత లేదు.  

గట్టి స్టాప్ లాస్ పాటించండి. క్రమశిక్షణతో విజయవంతంగా ట్రేడ్ చేయండి. 

- డాక్టర్ భువనగిరి అమరనాథ శాస్త్రి, ఆస్ట్రో టెక్నికల్ అనలిస్ట్ 

మార్కెట్ ప‌రుగు

నూత‌న సంవ‌త్స‌రానికి శుభారంభం ప‌లికిన సెన్సెక్స్ రెండో రోజు మ‌రింత మెరుగైన ర్యాలీని సాధించింది. ఫైనాన్షియ‌ల్‌, ఆటో, ఐటి రంగ షేర్ల‌లో జ‌రిగిన కొనుగోళ్ల‌తో పాటు సానుకూల ఆర్థిక సంకేతాలు మార్కెట్‌ను ప‌రుగులు తీయించాయి. ఇంట్రాడేలో 1525.46 పాయింట్లు లాభ‌ప‌డి 80,032.87 స్థాయికి చేరిన సెన్సెక్స్ చివ‌రికి 1436.30 పాయింట్ల లాభంతో 79,943.71 వ‌ద్ద ముగిసింది. నెల రోజుల కాలంలో ఒక్క రోజులో సెన్సెక్స్ సాధించిన పెద్ద లాభం ఇదే. నిఫ్టీ 445.75 పాయింట్లు లాభ‌ప‌డి 24,188,65 వ‌ద్ద ముగిసింది. రెండేళ్ల ర్యాలీలో స్టాక్ మార్కెట్ సంప‌ద రూ.8,52,239.27 కోట్లు పుంజుకుని రూ.4,50,47,345.71 కోట్ల‌కు (5.25 ల‌క్ష‌ల కోట్ల డాల‌ర్లు) చేరింది. గ‌త రెండు వారాల్లో మార్కెట్ క్రిస్మ‌స్ ర్యాలీ సాధించ‌డంలో విఫ‌ల‌మైనా నూత‌న సంవ‌త్స‌రం మాత్రం అత్యంత ప్రోత్సాహ‌క‌రంగా ప్రారంభ‌మ‌యింది. 

సెన్సెక్స్‌లోని 30 షేర్ల‌లో బ‌జాజ్ ఫిన్‌స‌ర్వ్ 8 శాతం, బ‌జాజ్ ఫైనాన్స్ 6 శాతం లాభంతో టాప్ 5లో ఉన్నాయి. భారీగా లాభ‌ప‌డిన షేర్ల‌లో మారుతి, టైట‌న్‌, మ‌హీంద్రా, ఇన్ఫోసిస్‌, హెచ్‌సిఎల్ టెక్‌, జొమాటో, అల్ర్టాటెక్‌, కోట‌క్ మ‌హీంద్రా బ్యాంక్ ఉన్నాయి. స‌న్ ఫార్మా ఒక్క‌టే న‌ష్ట‌పోయింది. బిఎస్ఇ మిడ్‌క్యాప్‌, స్మాల్ క్యాప్ ఇండెక్స్  కూడా లాభ‌ప‌డ్డాయి.

ఈ ఏడాది లాభం రూ.77.6 ల‌క్ష‌ల కోట్లు

ఈక్విటీ ఇన్వెస్ట‌ర్ల‌కు లాభాల పంట‌

ఈక్విటీ మార్కెట్  2024 సంవ‌త్స‌రంలో ఇన్వెస్ట‌ర్ల‌కు అద్భుత‌మైన లాభాలు పంచింది. ఏడాది మొత్తం మీద సెన్సెక్స్ 5898.75 పాయింట్లు (8.16%) లాభ‌ప‌డ‌గా నిఫ్టీ 1913.40 పాయింట్లు (8.80%) లాభ‌ప‌డింది. ఫ‌లితంగా బిఎస్ఇలో లిస్టింగ్ అయిన కంపెనీల మార్కెట్ విలువ (ఇన్వెస్ట‌ర్ల సంప‌ద‌) రూ.77,66,260.19 కోట్లు లాభ‌ప‌డి రూ.4,41,95,106.44 కోట్ల‌కు (516 ల‌క్ష‌ల కోట్ల డాల‌ర్లు) చేరింది. బిఎస్ఇ స్మాల్‌క్యాప్ సూచీ 12,506.84 పాయింట్లు (29.30%), మిడ్‌క్యాప్ సూచీ 9605.44 పాయింట్లు (26.07%) లాభ‌ప‌డ్డాయి. ఈ ఏడాది సెప్టెంబ‌రు 27వ తేదీన సెన్సెక్స్, నిఫ్టీ జీవిత‌కాల గ‌రిష్ఠ స్థాయిలు న‌మోదు చేశాయి. ఆ రోజు న‌మోదైన జీవిత‌కాల గ‌రిష్ఠ స్థాయిలు సెన్సెక్స్ 85,978.25 పాయింట్లు కాగా నిఫ్టీ 26,277.35 పాయింట్లు. 

సెప్టెంబ‌రు త‌ర్వాత నిస్తేజం

2024 సంవ‌త్స‌రంలో ఈక్విటీ మార్కెట్ తీవ్ర ఆటుపోట్ల‌తో సాగింది. బుల్‌, బేర్ నువ్వా, నేనా అన్న‌ట్టు పోటీ ప‌డ్డాయి. కొన్నాళ్లు బుల్‌ది పైచేయి అయితే కొన్నాళ్లు బేర్ హ‌వా న‌డిచిన‌ట్టు క‌నిపించింది. ప్ర‌ధానంగా జ‌న‌వ‌రి నుంచి సెప్టెంబ‌రు వ‌ర‌కు సూచీలు నిల‌క‌డ‌గా పురోగ‌మించ‌గా ఆ త‌ర్వాత కాలంలో మార్కెట్‌పై బుల్ ప‌ట్టు పెరిగింది. విదేశీ సంస్థాగ‌త పెట్టుబ‌డుల ఉప‌సంహ‌ర‌ణ‌, దిగ‌జారుతున్న మార్కెట్ సెంటిమెంట్, పెరుగుతున్న క్రూడ్ ధ‌ర‌లు ఈక్విటీ మార్కెట్‌పై ఒత్తిడిని పెంచాయి. త్వ‌ర‌లో ప్రారంభం కానున్న మూడో త్రైమాసికం ఆర్థిక ఫ‌లితాలు; వృద్ధి, ఆదాయాల రిక‌వ‌రీ, కేంద్ర బ‌డ్జెట్‌పై రాబోయే కాలంలో ఇన్వెస్ట‌ర్లు  దృష్టి సారిస్తార‌ని నిపుణులంటున్నారు. 

న‌ష్టాల‌తో ఏడాదికి వీడ్కోలు

సెన్సెక్స్, నిఫ్టీ మంగ‌ళ‌వారం 2024 సంవ‌త్స‌ర‌పు చివ‌రి రోజు న‌ష్టాల‌తో ముగిశాయి. సెన్సెక్స్ 109.12 పాయింట్లు న‌ష్ట‌పోయి 78,139.01 వ‌ద్ద ముగిసింది. నిఫ్టీ మాత్రం నామ‌మాత్రంగా 0.10 పాయింట్లు న‌ష్ట‌పోయి 23,644.80 వ‌ద్ద  ముగిసింది.