చీక‌ట్లో చిరుదివ్వె 2026-27...

బుధ‌వారం నుంచి ప్రారంభ‌మ‌వుతున్న నూత‌న ఆర్థిక సంవ‌త్స‌రం 2026-27లో ఈక్విటీ మార్కెట్లు వ్య‌వ‌స్థాత్మ‌కంగా ఆశావ‌హంగానే ఉంటాయ‌న్న అంచ‌నాలు వెలువ‌డుతున్నాయి. మ‌న ఆర్థిక వ్య‌వ‌స్థ మూలాలు ప‌టిష్ఠంగా ఉండ‌డం ఇందుకు కార‌ణం. అయితే ప్ర‌స్తుతం న‌డుస్తున్న భౌగోళిక‌, రాజ‌కీయ ఉద్రిక్త‌త‌లు స‌డ‌లి క్రూడాయిల్ ధ‌ర‌లు స్థిర‌ప‌డాల్సి ఉంటుంది. అయితే ప్ర‌థ‌మార్ధంలో ప్ర‌స్తుత ధోర‌ణిలోనే సైడ్‌వేస్ ధోర‌ణి, భారీ ఆటుపోట్లు కొన‌సాగ‌వ‌చ్చున‌ని అంటున్నారు. అలాగే ఇటీవ‌ల క్రూడాయిల్ ధ‌ర‌ల పెరుగుద‌ల‌కు దీటుగా వ‌డ్డీరేట్లు కూడా పెర‌గ‌వ‌చ్చున‌ని అంచ‌నా. అయిన‌ప్ప‌టికీ దేశీయ ఆర్థిక సంస్థ‌ల పెట్టుబడులు, బ‌ల‌మైన‌ కార్పొరేట్ ఆదాయాలు ర‌క్ష‌ణ‌గా నిలిచి భారీ క్షీణ‌త‌ను నివారించే ఆస్కారం ఉన్న‌ట్టు స్వ‌స్తిక ఇన్వెస్ట్‌మెంట్ లిమిటెడ్ రీసెర్ఛ్ హెడ్ సంతోష్ మీనా అన్నారు. ద్వితీయార్ధంలో బ‌ల‌మైన రిక‌వ‌రీకి అవ‌కాశం ఉన్న‌ట్టు చెబుతున్నారు. ఏది ఏమైనా కొత్త ఆర్థిక సంవ‌త్స‌రంలో అప్ర‌మ‌త్త ఆశావ‌హ ధోర‌ణి ఉండ‌వ‌చ్చున‌ని మాస్ట‌ర్ కాపిట‌ల్ స‌ర్వీసెస్ లిమిటెడ్ చీఫ్ రీసెర్చ్ ఆఫీస‌ర్ ర‌వి సింగ్ అంటున్నారు. 

మార్చి నెల‌ కాళ‌రాత్రే...

మంగ‌ళ‌వారంతో ముగుస్తున్న 2025-26 ఆర్థిక సంవ‌త్స‌రం ప్ర‌త్యేకించి మార్చి నెల ఈక్విటీ మార్కెట్ల‌కు ఒక కాళ‌రాత్రిగా మిగిలింది. ఏడాది మొత్తం మీద సెన్సెక్స్ 5467.37 పాయింట్లు (7%) న‌ష్ట‌పోయి  71,945.55 వ‌ద్ద ముగిసింది. ఎన్ఎస్ఇ ప్ర‌ధాన సూచీ నిఫ్టీ-50 1187.95 పాయింట్లు (5%) న‌ష్ట‌పోయి 22,331.40 వ‌ద్ద ముగిసింది. నెల మొత్తం మీద సెన్సెక్స్ 9340 పాయింట్లు (11.5%), నిఫ్టీ 2850 పాయింట్లు (11.3%) న‌ష్ట‌పోయాయి. ప‌శ్చిమాసియా సంక్షోభం సృష్టించిన క‌ల్లోలం ప్ర‌భావంతో మార్చి నెల మొత్తం ఈక్విటీ మార్కెట్ల‌లో బేర్ స్వైర విహారం చేసింది. అందులోనూ చివ‌రి రెండు వ‌రుస సెష‌న్ల‌లో దాని విజృంభ‌ణ నిలువ‌రించ‌డం ఎవ‌రి వ‌ల్ల సాధ్యం కాలేదు. ఫ‌లితంగా రెండు సెష‌న్ల‌లోనే సెన్సెక్స్ 3325.90 పాయింట్లు, 973 పాయింట్లు న‌ష్ట‌పోయాయి. సెన్సెక్స్ గ‌త ఏడాది డిసెంబ‌రు 1వ తేదీన న‌మోదు చేసిన  జీవిత‌కాల గ‌రిష్ఠ స్థాయి 86,159.02 నుంచి 14,211.47 పాయింట్లు (16.49%) న‌ష్ట‌పోయింది. నిఫ్టీ ఈ ఏడాది జ‌న‌వ‌రి రెండో తేదీన న‌మోదు చేసిన జీవిత‌కాల గ‌రిష్ఠ స్థాయి 26,340 నుంచి 4009 పాయింట్లు న‌ష్ట‌పోయింది. 

రూ.51 ల‌క్ష‌ల కోట్లు హాంఫ‌ట్ 

పశ్చిమాసియా సంక్షోభం సృష్టించిన క‌ల్లోలం ప్రారంభ‌మైన నాటి నుంచి ఇన్వెస్ట‌ర్ల సంప‌ద రూ.51 ల‌క్ష‌ల కోట్లు ఆవిరైపోయింది. ఏడాది మొత్తం మీద ఇది 46,000 కోట్లు క్షీణించింది. ప్ర‌ధానంగా చివ‌రి రెండు సెష‌న్ల‌లో రూ.18,60,662.29 కోట్ల సంప‌ద తుడిచిపెట్టుకుపోయి  

రూ.4,12,41,172.45 కోట్ల వ‌ద్ద స్థిర‌ప‌డింది.

ప్ర‌పంచ అస్థిర‌త‌లే కార‌ణం

2026 ఆర్థిక సంవ‌త్స‌రం ప్రారంభంలో ప‌రిస్థితి ఆశావ‌హంగానే క‌నిపించినా ద్వితీయార్ధం మాత్రం క‌ల్లోలానికి కార‌ణం అయింది. తొలుత భార‌తీయ ఉత్ప‌త్తుల‌పై అమెరికా అధ్య‌క్షుడు ట్రంప్ విధించిన భారీ సుంకాలు మార్కెట్ సెంటిమెంట్‌ను దెబ్బ తీశాయి. అప్ప‌టి నుంచి మార్కెట్ భారీ ఆటుపోట్ల‌తోనే ట్రేడ‌వుతూ వ‌స్తోంది. అలాంటి సమ‌యంలో ఇరాన్‌పై ఇజ్రాయెల్‌, అమెరికా ఉమ్మ‌డి దాడులు (ఫిబ్ర‌వ‌రి 28)  పిడుగుపాటుగా ప‌రిణ‌మించింది. ప్ర‌ధానంగా విదేశీ పోర్ట్‌ఫోలియో ఇన్వెస్ట‌ర్లు భారీ మొత్తంలో మ‌న మార్కెట్ నుంచి నిధులు త‌ర‌లించుకుపోయారు. ఒక్క మార్చి నెల‌లోనే వారు రూ.1.25 ల‌క్ష‌ల కోట్లు ఉప‌సంహ‌రించారు. అంత‌ర్జాతీయ విప‌ణిలో బ్యారెల్ బ్రెంట్ ర‌కం క్రూడాయిల్ ధ‌ర 118 డాల‌ర్ల‌కు దూసుకుపోయింది. 

-------------------------------  

2026 ఆర్థిక సంవ‌త్స‌రాన్నిఈక్విటీ మార్కెట్‌కు రెండు ధ్రువాలుగా అభివ‌ర్ణించ‌వ‌చ్చు. ప్ర‌థ‌మార్ధం మ‌న మార్కెట్ల బ‌లానికి, ఆశావ‌హ దృక్ప‌థానికి చిహ్నం అయితే ద్వితీయార్ధం ప్ర‌త్యేకించి మార్చి త్రైమాసికం మార్కెట్ల‌పై ప్ర‌పంచ ప‌రిణామాల ప్ర‌భావానికి ప్ర‌తీక‌గా ప‌రిగ‌ణించాలి. దేశీయంగా చ‌క్క‌ని లిక్విడిటీ, రాబ‌డుల్లో నిల‌క‌డ‌, రిటైల్ ఇన్వెస్ట‌ర్ల భాగ‌స్వామ్యంతో  ఈ ఏడాది ఎంతో ఆశావ‌హంగా ప్రారంభ‌మ‌యింది. 2025 కాలెండ‌ర్ సంవ‌త్స‌రం ముగింపు స‌మ‌యంలో మార్కెట్లు రికార్డు గ‌రిష్ఠ స్థాయిల‌కు చేరాయి. కాని భౌగోళిక‌, రాజ‌కీయ క‌ల్లోలం చివ‌రి త్రైమాసికంలో మార్కెట్‌ను క‌ల్లోల సంద్రంలోకి నెట్టింది. మార్కెట్ సెంటిమెంట్ పాతాళానికి ప‌డిపోయింది.

- హ‌రిప్ర‌సాద్‌.కె. రీసెర్చ్ అన‌లిస్ట్‌, లైవ్‌లాంగ్ వెల్త్ 

అయ్యో...రూపాయి

భార‌త క‌రెన్సీ రూపాయి 2026 ఆర్థిక సంవ‌త్స‌రంలో భారీ ప‌త‌నాన్ని చ‌వి చూసింది. గ‌త ఏప్రిల్ నుంచి మార్చి 30 మ‌ధ్య కాలంలో ఏకంగా 9.88% ప‌త‌నాన్ని న‌మోదు చేసింది. 14 సంవ‌త్స‌రాల కాలంలో రూపాయికిది అతి భారీ ప‌త‌నం. ఇంత‌కు ముందు 2012 ఆర్థిక సంవ‌త్స‌రంలో డాల‌ర్ మార‌కంలో రూపాయి విలువ 12.4% ప‌డిపోయింది. క‌రెంట్ అకౌంట్ లోటు 4.2 శాతానికి దూసుకుపోయింది. ఒక్క రూపాయే కాదు...ఇత‌ర ఆసియా దేశాల క‌రెన్సీలు కూడా 2026 ఆర్థిక సంవ‌త్స‌రంలో భారీగా న‌ష్ట‌పోయాయి. జ‌పాన్ యెన్ 6%, ఫిలిప్పీన్స్ పెసో 5.74% క్షీణించాయి. 

ఎందుక‌లా జ‌రిగింది..?

మ‌న మార్కెట్ నుంచి గ‌త ఏడాది కాలంలో విదేశీ నిధులు భారీ ఎత్తున త‌ర‌లిపోవ‌డం రూపాయిని బ‌ల‌హీన‌ప‌రిచింది. దీనికి తోడు పెరిగిన క్రూడాయిల్ ధ‌ర‌లు, ప్ర‌పంచ క‌రెన్సీల‌తో డాల‌ర్ బ‌ల‌ప‌డ‌డం, ప్ర‌పంచ‌ ఫైనాన్షియ‌ల్ మార్కెట్ల‌లో ఆటుపోట్లు, వ్య‌వ‌స్థ‌లో లిక్విడిటీ కొర‌త‌ కూడా రూపాయిని కుంగ‌దీశాయి. 2026 సంవ‌త్స‌రం విదేశీ ఉప్పెన వంటిద‌ని, దేశీయ ప‌రిస్థితుల వ‌ల్ల కాకుండా విదేశీ ప‌రిణామాల‌కే రూపాయి కుప్ప‌కూలింద‌ని ద‌క్షిణ కొరియాకు చెందిన షిన్‌హాన్ బ్యాంక్ ట్రెజ‌రీ హెడ్ సునాల్ సోధానీ అన్నారు. ప్ర‌ధానంగా భారత దిగుమ‌తి ఆధార‌నీయ‌త ప‌రిస్థితిని మ‌రింత సంక్లిష్టం చేసింద‌ని చెప్పారు. భార‌తీయ వ‌స్తు, సేవ‌ల‌పై అమెరికా భారీగా సుంకాలు విధించ‌డంతో ఈ ప‌త‌నం తీవ్ర‌త‌ మ‌రింత పెరిగింద‌ని, దానికి ప‌శ్చిమాసియా సంక్షోభం అగ్నికి ఆజ్యం అయింద‌ని ఆయ‌న వ్యాఖ్యానించారు. ప‌శ్చిమాసియా సంక్షోభంతో క్రూడాయిల్ ధ‌ర బ్యారెల్ 100 డాల‌ర్ల‌కు పై స్థాయికి దూసుకుపోయి రూపాయిని కోలుకోలేని దెబ్బ తీసింది. నానాటికీ ప‌త‌మ‌వుతున్న రూపాయిని ఆదుకునేందుకు ఈ ఏడాది కాలంలో జ‌న‌వ‌రి వ‌ర‌కు ఆర్‌బిఐ 5507.3 కోట్ల డాల‌ర్ల‌ను మార్కెట్లో విక్ర‌యించినా ఫ‌లితం లేక‌పోయింది. చిట్ట‌చివ‌రికి సంవ‌త్స‌రం చివ‌రి రోజున (మార్చి 30) ఒక ద‌శ‌లో 95 స్థాయి క‌న్నా దిగ‌జారిన రూపాయి 94.70 వ‌ద్ద ఏడాదికి ముగిసింది.  

ఈ వారంలో 23500 పైన బుల్లిష్

మార్చి 23-27 తేదీల మధ్య వారానికి ఆస్ట్రో టెక్నికల్ గైడ్  

నిఫ్టీ   :  23115 (-37)    

గత వారంలో నిఫ్టీ 23858-22958 పాయింట్ల మధ్యన కదలాడి 37 పాయింట్ల నష్టంతో 23115 వద్ద ముగిసింది. రాబోయే వారాంతంలో 23500 కన్నా పైన ముగిస్తే స్వల్ప కాలానికి బుల్లిష్ అవుతుంది.  

- 20, 50, 100, 200 డిఎంఏలు 24363, 25075, 25523, 25283 వద్ద ఉన్నాయి. ఇవి నిరోధ, మద్దతు స్థాయిలుగా నిలుస్తాయి. 50 డిఎంఏ 200  డిఎంఏ కన్నా పైన ఉన్నప్పుడే దీర్ఘకాలిక బుల్లిష్ ట్రెండ్ సంకేతంగా భావించాలి. 

బ్రేకౌట్ స్థాయి : 23500      బ్రేక్ డౌన్ స్థాయి : 22750

నిరోధ స్థాయిలు : 23325, 23425, 23525 (23225 పైన బుల్లిష్) 

మద్దతు స్థాయిలు : 22925, 22825, 22725 (23025 దిగువన బేరిష్)

ఇన్వెస్టర్లకు సూచన : వారం ప్రారంభ స్థాయి కీలకం. ఆ పైన మాత్రమే పొజిషన్లు శ్రేయస్కరం

--------------------------------------   

Ø  గ్రహగతులివే...

ü వృషభంలోని కృత్తిక పాదం 2 నుంచి కర్కాటకంలోని పునర్వసు పాదం 4 మధ్యలో చంద్ర సంచారం

ü   మీనంలోని  ఉత్తరాభాద్ర 2 - 3 పాదం మధ్యలో రవి సంచారం 

ü  కుంభంలోని శతభిషం పాదం 3లో వక్రగతిలో  బుధ సంచారం

ü  మీనంలోని రేవతి పాదం 3  - మేషంలోని అశ్విని పాదం 1 మధ్యలో శుక్ర సంచారం

ü  కుంభంలోని పూర్వాభాద్ర  పాదం 1-2 మధ్యలో కుజ సంచారం

ü మిథునంలోని పునర్వసు పాదం 1లో మేష నవాంశలో బృహస్పతి  సంచారం

ü  మీనంలోని ఉత్తరాభాద్ర పాదం 2లో మిథున నవాంశలో శని సంచారం

ü  కుంభంలోని శతభిషం పాదం 3లో రాహువు, సింహంలోని పుబ్బ పాదం 1లో కేతువు మీన, సింహ నవాంశల్లో సంచారం       

--------------------------------- 

ప్రారంభ సెషన్ మెరుగు (సోమవారానికి)  

తిథి : చైత్ర శుక్ల పంచమి           

నక్షత్రం : కృత్తిక                 

అప్రమత్తం :  ఆర్ద్ర, స్వాతి, శతభిషం నక్షత్ర జాతకులు

ట్రెండ్ మార్పు సమయం :ఉదయం 9.44;  మధ్యాహ్నం 3.16

ఇంట్రాడే ట్రెండ్ : నిఫ్టీ ఉదయం 9.37 వరకు నిలకడగా ఉండి తర్వాత మధ్యాహ్నం 1.56 వరకు మెరుగ్గా ట్రేడ్ కావచ్చు. ఆ తర్వాత చివరి వరకు నిలకడగా ట్రేడయ్యే ఆస్కారం ఉంది. . 

ట్రేడింగ్ వ్యూహం : నిఫ్టీ ఫ్యూచర్స్ ఉదయం 10 గంటల  సమయానికి ఎటిపి కన్నా పైన ట్రేడవుతుంటే తగు స్టాప్ లాస్ తో లాంగ్ పొజిషన్లు తీసుకుని 2 గంటల సమయంలో క్లోజ్ చేసుకోవచ్చు.   

టెక్నికల్ స్థాయిలు... 

నిరోధం : 23200, 23275     మద్దతు : 23025, 22950

--------------------------------------------  

సూచన  

v  నిరోధ స్థాయిలు మధ్యాహ్న సెషన్ లోపు తాకినట్టయితే గరిష్ఠ స్థాయిల్లో కొనుగోళ్లు నివారించాలి. బుల్లిష్ లెవెల్ వరకు పుల్ బ్యాక్ ఏర్పడితే రిస్క్ భరించగల ట్రేడర్లు షార్ట్ పొజిషన్లు పరిశీలించవచ్చు. 

v  మద్దతు స్థాయిలు మధ్యాహ్న సెషన్ లోపు తాకినట్టయితే కనిష్ఠ  స్థాయిల్లో కొనుగోళ్లు నివారించాలి. బేరిష్ ట్రిగ్గర్ స్థాయి వరకు పుల్ బ్యాక్ ఏర్పడితే రిస్క్ భరించగల ట్రేడర్లు లాంగ్ పొజిషన్లు పరిశీలించవచ్చు.  

v  పైన ఇచ్చిన ఇంట్రా డే ధోరణి పూర్తిగా గ్రహగతుల ఆధారంగా ఇచ్చినదే. కానీ సరైన ట్రేడింగ్ నిర్ణయాలు తీసుకునే ముందు పైన ఇచ్చిన ఆస్ట్రో సూచనను టెక్నాకల్స్ తో జత చేసి గమనించుకోవాలి. 

v  ఇంట్రా ట్రేడింగ్ రిస్క్ తో కూడుకున్న వ్యవహారం. ఆస్ట్రో సూచనను వాస్తవిక మార్కెట్ కదలికలతో జత చేసి చూసుకోవాలి. టెక్నికల్స్ కు అదనంగా ఇది ఒక సాధనం మాత్రమే. వ్యక్తిగత ఖగోళ చార్ట్ ఆధారంగా లాభ నష్టాలు ఆధారపడి ఉంటాయి. ఆస్ట్రో పండితుడు కేవలం ఏమి జరగవచ్చు అనేది సూచనగా చెబుతాడు. ఫై విశ్లేషణ ఆధారంగా మీరు తీసుకునే నిర్ణయాలకు మా బాధ్యత లేదు.  

గట్టి స్టాప్ లాస్ పాటించండి. క్రమశిక్షణతో విజయవంతంగా ట్రేడ్ చేయండి. 

- డాక్టర్ భువనగిరి అమరనాథ శాస్త్రి, ఆస్ట్రో టెక్నికల్ అనలిస్ట్ 

కుర్రాళ్లోయ్‌...కుర్రాళ్లు - ఖ‌ర్చుల్లో పెద్దోళ్లు

రెడ్‌సీర్ నివేదిక‌

2030 నాటికి దేశ జ‌నాభాలో 27 శాతానికి చేర‌నున్న యువ‌త‌రం దేశంలో వ్య‌యాల‌కు చోద‌క‌శ‌క్తిగా మార‌నున్నారు. వారు 1.3 ల‌క్ష‌ల కోట్ల డాల‌ర్ల వినియోగాన్ని శాసిస్తూ వినియోగ మార్కెట్ల దిశ‌ను నిర్దేశించ‌నున్న‌ట్టు రెడ్‌సీర్ స్ర్టాట‌జీ క‌న్స‌ల్టెంట్స్ తాజా నివేదిక‌లో తెలిపింది. వారు ప్ర‌ధానంగా అనుభ‌వం, సుస్థిర‌త‌, డిజిట‌ల్ సానుకూల‌త‌ల‌పై దృష్టి సారించ‌నున్న‌ట్టు అంచ‌నా వేసింది. 1997 నుంచి 2012 సంవ‌త్స‌రాల మ‌ధ్య కాలంలో జ‌న్మించిన వారు మార్కెట్ ధోర‌ణుల‌ను ఏ విధంగా శాసించ‌నున్నార‌నే అంశంపై రెడ్‌సీర్ ఆ నివేదిక ప్ర‌చురించింది.

వారు బ్రాండ్ లేబుల్స్ మీద కాకుండా కొత్త అనుభూతులు, ఆహ్లాదంపై దృష్టి సారించ‌నున్న‌ట్టు తెలిపింది. బ్యూటీ, ప‌ర్స‌న‌ల్ కేర్ (బిపిసి) రంగాల‌పై వారు అధిక ఆస‌క్తి ప్ర‌ద‌ర్శిస్తూ ఉండ‌డ‌మే అందుకు కార‌ణ‌మ‌ని పేర్కొంది. 2030 నాటికి మొత్తం భార‌త బిపిసి మార్కెట్లో 1900 కోట్ల డాల‌ర్ల వ్య‌యానికి వారే బాధ్యుల‌వుతార‌ని పేర్కొంది.  

నివేదిక ప్ర‌ధానాంశాలు...

- ప్ర‌తీ ఇద్ద‌రు జెన్ జి మ‌హిళ‌ల్లో ఒక‌రు త‌మ వ‌ద్ద ఖ‌ర్చు చేయ‌డానికి అందుబాటులో ఉండే ఆదాయంలో 20% బిపిసి ఉత్ప‌త్తుల పైనే ఖ‌ర్చు చేస్తారు.

- కొన్ని బ్రాండ్ల‌పై మ‌క్కువ ప్ర‌ద‌ర్శించే క‌న్నా త‌మ అవ‌స‌రాలు తీర్చేందుకు స‌హాయ‌ప‌డే ఉత్ప‌త్తుల‌కే వారు ప్రాధాన్యం ఇస్తారు. 

- బ్యూటీ ధోర‌ణులు ఇక ఏ మాత్రం మ‌హిళ‌ల‌కే ప‌రిమితం కాదు. మేక‌ప్‌, వ్య‌క్తిగ‌త సౌంద‌ర్య సాధ‌నాల‌పై ఆస‌క్తి ప్ర‌ద‌ర్శిస్తున్న పురుషుల సంఖ్య కూడా నానాటికీ పెరుగుతోంది. 

- పురుషులు చ‌ర్మ‌సంర‌క్ష‌ణ‌కు ప్రాధాన్యం ఇస్తున్నారు. చ‌ర్మ‌సౌంద‌ర్య ఉత్ప‌త్తుల కోసం అన్వేష‌ణ గ‌త ఐదేళ్లుగా 850% పెరిగింది. పురుషుల కాస్మెటాల‌జీ, మేక్ రంగాలు వ‌ర్థ‌మాన రంగాలుగా మారాయి. 

- ఫ్యాష‌న్ ప‌రిశ్ర‌మలో (దుస్తులు, పాద‌ర‌క్ష‌లు, యాక్సెస‌రీలు) స‌గ భాగాన్ని న‌వ‌త‌ర‌మే శాసిస్తుంది. రూ.1,000 లోపు ధ‌ర‌లోని ఫ్యాష‌న్ ఉత్ప‌త్తులు వారి ప్రాధాన్య ఎంపిక‌గా నిలుస్తాయి. 

- జెన్ జి ప్రాధాన్య‌త‌ల్లో మ‌రో కీల‌క విభాగం ఫిట్నెస్‌. వారి ఆదాయాల్లో క‌నీసం 20% ఫిట్నెస్‌, స్పోర్ట్స్ ఉత్ప‌త్తుల‌కు కేటాయిస్తారు. ఆన్‌లైన్‌లో విక్ర‌యిస్తున్న స్పోర్ట్స్ ఫుట్‌వేర్‌లో ప్ర‌తీ ప‌దింటిలో ఆరు ఉత్ప‌త్తులు రూ.500-1000 శ్రేణిలోనివే. 

- ఆరోగ్య‌వంత‌మైన ఆహారానికి ఇస్తున్న ప్రాధాన్య‌త కార‌ణంగా ప్ర‌త్యామ్నాయ ప్రోటీన్ ఉత్ప‌త్తుల‌కు డిమాండ్ అధికంగా ఉంటుంది. 2024, 2025 సంవ‌త్స‌రాల్లో క్విక్ కామ‌ర్స్ వేదిక‌లపై ప్రోటీన్ ప్ర‌త్యామ్నాయాల లిస్టింగ్‌లు 230% పెర‌గ‌డ‌మే ఇందుకు తార్కాణం. 2030 నాటికి ఫిట్నెస్‌, స్పోర్ట్స్ ఉత్ప‌త్తుల వినియోగంలో4000 కోట్ల డాల‌ర్లు జెన్ జి ద్వారానే జ‌రుగుతాయి.

ఈ వారంలో 23500 పైన బుల్లిష్

మార్చి 16-20 తేదీల మధ్య వారానికి ఆస్ట్రో టెక్నికల్ గైడ్   

నిఫ్టీ   :  23151 (+1300) 

గత వారంలో నిఫ్టీ 24383-23151 పాయింట్ల మధ్యన కదలాడి 1300 పాయింట్ల నష్టంతో 23151 వద్ద ముగిసింది. రాబోయే వారాంతంలో 23500 కన్నా పైన ముగిస్తే స్వల్ప కాలానికి బుల్లిష్ అవుతుంది.  

- 20, 50, 100, 200 డిఎంఏలు 25059, 25418, 25674, 25326 వద్ద ఉన్నాయి. ఇవి నిరోధ, మద్దతు స్థాయిలుగా నిలుస్తాయి. 50 డిఎంఏ 200  డిఎంఏ కన్నా పైన ఉన్నప్పుడే దీర్ఘకాలిక బుల్లిష్ ట్రెండ్ సంకేతంగా భావించాలి. 

బ్రేకౌట్ స్థాయి : 23500      బ్రేక్ డౌన్ స్థాయి : 22800

నిరోధ స్థాయిలు : 23350, 23450, 23550 (23250 పైన బుల్లిష్) 

మద్దతు స్థాయిలు : 22950, 22850, 22750 (23050 దిగువన బేరిష్)

ఇన్వెస్టర్లకు సూచన : వారం ప్రారంభ స్థాయి కీలకం. ఆ పైన మాత్రమే పొజిషన్లు శ్రేయస్కరం

--------------------------------------   

Ø  గ్రహగతులివే...

ü ధనుస్సులోని ధనిష్ట పాదం 1 నుంచి మీనంలోని రేవతి  పాదం 2 మధ్యలో చంద్ర సంచారం

ü   మీనంలోని పూర్వాభాద్ర పాదం 4 - ఉత్తరాభాద్ర 4 పాదం 1మధ్యలో రవి సంచారం 

ü  కుంభంలోని పూర్వాభాద్ర  పాదం 3లో వక్రగతిలో  బుధ సంచారం

ü  మీనంలోని రేవతి పాదం 4  - 2 మధ్యలో శుక్ర సంచారం

ü  కుంభంలోని శతభిషం  పాదం 3-4 మధ్యలో కుజ సంచారం

ü మిథునంలోని పునర్వసు పాదం 1లో మేష నవాంశలో బృహస్పతి  సంచారం

ü  మీనంలోని ఉత్తరాభాద్ర పాదం 2లో కన్య నవాంశలో శని సంచారం

ü  కుంభంలోని శతభిషం పాదం 3లో రాహువు, సింహంలోని పుబ్బ పాదం 1లో కేతువు మీన, సింహ నవాంశల్లో సంచారం      

--------------------------------- 

ప్రారంభ సెషన్ మెరుగు (సోమవారానికి)  

తిథి : ఫాల్గుణ బహుళ ద్వాదశి          

నక్షత్రం : ధనిష్ట                 

అప్రమత్తం :   పుష్యమి, అనురాధ, ఉత్తరాభాద్ర  నక్షత్ర జాతకులు

ట్రెండ్ మార్పు సమయం : 12.05

ఇంట్రాడే ట్రెండ్ : నిఫ్టీ ఉదయం 10.04 వరకు మెరుగ్గా ఉండి తర్వాత మధ్యాహ్నం 12.04 వరకు నిలకడగా ట్రేడ్ కావచ్చు. ఆ తర్వాత చివరి వరకు నిలకడగా ట్రేడయ్యే ఆస్కారం ఉంది. . 

ట్రేడింగ్ వ్యూహం : నిఫ్టీ ఫ్యూచర్స్ ఉదయం 10 గంటల  సమయానికి ఎటిపి కన్నా పైన ట్రేడవుతుంటే తగు స్టాప్ లాస్ తో లాంగ్ పొజిషన్లు తీసుకుని 2 గంటల సమయంలో క్లోజ్ చేసుకోవచ్చు.   

టెక్నికల్ స్థాయిలు... 

నిరోధం : 23250, 23325     మద్దతు : 23050, 23325

--------------------------------------------  

సూచన  

v  నిరోధ స్థాయిలు మధ్యాహ్న సెషన్ లోపు తాకినట్టయితే గరిష్ఠ స్థాయిల్లో కొనుగోళ్లు నివారించాలి. బుల్లిష్ లెవెల్ వరకు పుల్ బ్యాక్ ఏర్పడితే రిస్క్ భరించగల ట్రేడర్లు షార్ట్ పొజిషన్లు పరిశీలించవచ్చు. 

v  మద్దతు స్థాయిలు మధ్యాహ్న సెషన్ లోపు తాకినట్టయితే కనిష్ఠ  స్థాయిల్లో కొనుగోళ్లు నివారించాలి. బేరిష్ ట్రిగ్గర్ స్థాయి వరకు పుల్ బ్యాక్ ఏర్పడితే రిస్క్ భరించగల ట్రేడర్లు లాంగ్ పొజిషన్లు పరిశీలించవచ్చు.  

v  పైన ఇచ్చిన ఇంట్రా డే ధోరణి పూర్తిగా గ్రహగతుల ఆధారంగా ఇచ్చినదే. కానీ సరైన ట్రేడింగ్ నిర్ణయాలు తీసుకునే ముందు పైన ఇచ్చిన ఆస్ట్రో సూచనను టెక్నాకల్స్ తో జత చేసి గమనించుకోవాలి. 

v  ఇంట్రా ట్రేడింగ్ రిస్క్ తో కూడుకున్న వ్యవహారం. ఆస్ట్రో సూచనను వాస్తవిక మార్కెట్ కదలికలతో జత చేసి చూసుకోవాలి. టెక్నికల్స్ కు అదనంగా ఇది ఒక సాధనం మాత్రమే. వ్యక్తిగత ఖగోళ చార్ట్ ఆధారంగా లాభ నష్టాలు ఆధారపడి ఉంటాయి. ఆస్ట్రో పండితుడు కేవలం ఏమి జరగవచ్చు అనేది సూచనగా చెబుతాడు. ఫై విశ్లేషణ ఆధారంగా మీరు తీసుకునే నిర్ణయాలకు మా బాధ్యత లేదు.  

గట్టి స్టాప్ లాస్ పాటించండి. క్రమశిక్షణతో విజయవంతంగా ట్రేడ్ చేయండి. 

- డాక్టర్ భువనగిరి అమరనాథ శాస్త్రి, ఆస్ట్రో టెక్నికల్ అనలిస్ట్ 

2 వారాలు-రూ.34 ల‌క్ష‌ల కోట్లు న‌ష్టం

- ప‌శ్చిమాసియా మంట‌ల్లో బూడిదైన మార్కెట్ సంప‌ద‌

గ‌త రెండు వారాలుగా ప్ర‌పంచం యావ‌త్తు ప‌శ్చిమాసియా సంక్షోభంతో అట్టుడికిపోతోంది. అందుకు దీటుగానే స్టాక్ మార్కెట్లు కూడా భారీ ఆటుపోట్ల‌కు లోనై తీవ్ర న‌ష్టాల పాల‌వుతున్నాయి. ప్ర‌పంచ మార్కెట్ల ధోర‌ణుల‌ను అనుస‌రించి భార‌త స్టాక్ మార్కెట్ కూడా రెండు వారాల్లో భారీ న‌ష్టాలు మూట‌గ‌ట్టుకుంది. శుక్ర‌వారం వారాంత‌పు రోజున ప్ర‌తికూల సంకేతాల న‌డుమ ఈక్విటీ మార్కెట్ వ‌రుస‌గా మూడో రోజు భారీ న‌ష్టాలు న‌మోదు చేసింది. ప‌శ్చిమాసియా సంక్షోభం ఇప్ప‌ట్లో ముగిసే సంకేతాలేవీ లేని నేప‌థ్యంలో ఇన్వెస్ట‌ర్లు భ‌యోత్పాతంతో అమ్మ‌కాలు సాగించారు. అంత‌ర్జాతీయ విప‌ణిలో బ్యారెల్ క్రూడాయిల్ 100 డాల‌ర్లు దాట‌డం, ద్ర‌వ్యోల్బ‌ణ ఒత్తిడులు పెరిగిపోవ‌డం, ప్ర‌పంచ ఆర్థిక స్థిర‌త్వానికి సైతం ముప్పు ఏర్ప‌డ‌డం వంటి ప‌రిణామాల నేప‌థ్యంలో ఇన్వెస్ట‌ర్ సెంటిమెంట్ తీవ్రంగా ప్ర‌భావితం అయింది. ఇన్ని స‌మ‌స్య‌ల న‌డుమ‌న శుక్ర‌వారం ఈక్విటీ మార్కెట్ పెట్టుబ‌డుల ప్ర‌ధాన సూచీ అయిన సెన్సెక్స్ ఇంట్రాడేలో 1579.82 పాయింట్లు న‌ష్ట‌పోయి 74454.60 పాయింట్ల క‌నిష్ఠ స్థాయి వ‌ర‌కు దిగ‌జారింది. చివ‌రికి1470.50 పాయింట్ల నిక‌ర న‌ష్టంతో 74563.92 వ‌ద్ద ముగిసింది. బిఎస్ఇలో లిస్ట‌యిన షేర్ల‌లో 3348 షేర్లు న‌ష్ట‌పోగా 941 షేర్లు లాభ‌ప‌డ్డాయి. 132 షేర్లు ఎలాంటి మార్పు లేకుండా త‌ట‌స్థంగా ఉండిపోయాయి. నేష‌న‌ల్ స్టాక్ ఎక్స్ఛేంజి ప్ర‌ధాన సూచీ ఎన్ఎస్ఇ-50 సైతం 488.05 పాయింట్లు న‌ష్ట‌పోయి 23151,10 వ‌ద్ద ముగిసింది. దీంతో ఒక్క రోజులోనే బిఎస్ఇలో లిస్టింగ్ అయిన కంపెనీల మార్కెట్ విలువ రూ.10,24,181.74 కోట్లు న‌ష్ట‌పోయి రూ.4,29,82,252.27 (4.65 ల‌క్ష‌ల కోట్ల డాల‌ర్లు) వ‌ద్ద స్థిర‌ప‌డింది. 

- వారం మొత్తం మీద సెన్సెక్స్ 4354.98 పాయింట్లు న‌ష్ట‌పోగా నిఫ్టీ 1299.35 పాయింట్లు న‌ష్ట‌పోయింది.  

- ఫిబ్ర‌వ‌రి 27వ తేదీ నుంచి రెండు వారాల కాలంలో సెన్సెక్స్ 6723.27 పాయింట్లు న‌ష్ట‌పోయింది. 

- బిఎస్ఇలో లిస్ట‌యిన కంపెనీల మార్కెట్ విలువ రెండు వారాల వ్య‌వ‌ధిలో రూ.33,68,419 కోట్లు న‌ష్ట‌పోయింది.

- శుక్ర‌వారం నాటి ట్రేడింగ్‌లో బిఎస్ఇ స్మాల్ క్యాప్ సెలెక్ట్ ఇండెక్స్ 2.48%, మిడ్‌క్యాప్ సెలెక్ట్ ఇండెక్స్ 2.87% న‌ష్ట‌పోయాయి. 

- ప్ర‌ధానంగా మెట‌ల్స్, ఆటో రంగాల షేర్లు భారీ న‌ష్టాల మూట‌గ‌ట్టుకున్నాయి. సెన్సెక్స్ షేర్ల‌లో ఎల్ అండ్ టి షేరు గ‌రిష్ఠంగా 7.52% న‌ష్ట‌పోయింది. మెట‌ల్స్ ఇండెక్స్ గ‌రిష్ఠంగా 4.83% న‌ష్ట‌పోయింది. 

- విదేశీ సంస్థాగ‌త పెట్టుబ‌డిదారులు (ఎఫ్‌పిఐ) గురువారం రూ.7049.87 కోట్ల విలువ గ‌ల షేర్లు విక్ర‌యించారు. 

ఈ వారంలో 26100 పైన బుల్లిష్

ఫిబ్రవరి 09-13 తేదీల మధ్య వారానికి ఆస్ట్రో టెక్నికల్ గైడ్   

నిఫ్టీ   :  25694 (+868) 

గత వారంలో నిఫ్టీ 26373-25492 పాయింట్ల మధ్యన కదలాడి 868 పాయింట్ల లాభంతో 25049 వద్ద ముగిసింది. రాబోయే వారాంతంలో 26100 కన్నా పైన ముగిస్తే స్వల్ప కాలానికి బుల్లిష్ అవుతుంది. 

- 20, 50, 100, 200 డిఎంఏలు 25445, 25803, 25657, 25254 వద్ద ఉన్నాయి. ఇవి నిరోధ, మద్దతు స్థాయిలుగా నిలుస్తాయి. 50 డిఎంఏ 200  డిఎంఏ కన్నా పైన ఉన్నప్పుడే దీర్ఘకాలిక బుల్లిష్ ట్రెండ్ సంకేతంగా భావించాలి. 

బ్రేకౌట్ స్థాయి : 26100      బ్రేక్ డౌన్ స్థాయి : 25400

నిరోధ స్థాయిలు : 25900, 26000, 26100 (25800 పైన బుల్లిష్) 

మద్దతు స్థాయిలు : 25500, 25400, 25300 (25600 దిగువన బేరిష్)

ఇన్వెస్టర్లకు సూచన : వారం ప్రారంభ స్థాయి కీలకం. ఆ పైన మాత్రమే పొజిషన్లు శ్రేయస్కరం

--------------------------------------   

Ø  గ్రహగతులివే...

ü తులలోని విశాఖ పాదం 1 నుంచి ధనుస్సులోని మూల పాదం 4 మధ్యలో చంద్ర సంచారం

ü   కుంభంలోని ధనిష్ఠ పాదం 3-4 మధ్యలో రవి సంచారం 

ü  కుంభంలోని శతభిషం పాదం 2 - 4  మధ్యలో  బుధ సంచారం

ü  కుంభంలోని ధనిష్ట పాదం 4  - శతభిషం పాదం 1 మధ్యలో శుక్ర సంచారం

ü  మకరంలోని శ్రవణం  పాదం 3-4 మధ్యలో కుజ సంచారం

ü మిథునంలోని పునర్వసు పాదం 2లో వృషభ నవాంశలో వక్రగతిలో బృహస్పతి  సంచారం

ü  మీనంలోని ఉత్తరాభాద్ర పాదం 1లో సింహ నవాంశలో శని సంచారం

ü  కుంభంలోని శతభిషం పాదం 3లో రాహువు, సింహంలోని పుబ్బ పాదం 1లో కేతువు మీన, కన్య నవాంశల్లో సంచారం      

--------------------------------- 

ప్రారంభ సెషన్ మెరుగు (సోమవారానికి)  

తిథి :  మాఘ బహుళ అష్టమి        

నక్షత్రం : విశాఖ               

అప్రమత్తం :    అశ్విని, మఖ, మూల నక్షత్ర జాతకులు

ట్రెండ్ మార్పు సమయం : 11.43

ఇంట్రాడే ట్రెండ్ : నిఫ్టీ ఉదయం 10.38 వరకు మెరుగ్గా ఉండి తర్వాత మధ్యాహ్నం 12.22 వరకు నిలకడగా ట్రేడ్ కావచ్చు. ఆ తర్వాత 2.22 వరకు మెరుగ్గా ట్రేడవుతూ తదుపరి చివరి వరకు నిలకడగా ట్రేడయ్యే ఆస్కారం ఉంది. . 

ట్రేడింగ్ వ్యూహం : నిఫ్టీ ఫ్యూచర్స్ ఉదయం 11 గంటల  సమయానికి ఎటిపి కన్నా పైన ట్రేడవుతుంటే తగు స్టాప్ లాస్ తో లాంగ్ పొజిషన్లు తీసుకుని 2 గంటల సమయంలో క్లోజ్ చేసుకోవచ్చు.   

టెక్నికల్ స్థాయిలు... 

నిరోధం : 25775, 25840     మద్దతు : 25570, 25500

--------------------------------------------  

సూచన  

v  నిరోధ స్థాయిలు మధ్యాహ్న సెషన్ లోపు తాకినట్టయితే గరిష్ఠ స్థాయిల్లో కొనుగోళ్లు నివారించాలి. బుల్లిష్ లెవెల్ వరకు పుల్ బ్యాక్ ఏర్పడితే రిస్క్ భరించగల ట్రేడర్లు షార్ట్ పొజిషన్లు పరిశీలించవచ్చు. 

v  మద్దతు స్థాయిలు మధ్యాహ్న సెషన్ లోపు తాకినట్టయితే కనిష్ఠ  స్థాయిల్లో కొనుగోళ్లు నివారించాలి. బేరిష్ ట్రిగ్గర్ స్థాయి వరకు పుల్ బ్యాక్ ఏర్పడితే రిస్క్ భరించగల ట్రేడర్లు లాంగ్ పొజిషన్లు పరిశీలించవచ్చు.  

v  పైన ఇచ్చిన ఇంట్రా డే ధోరణి పూర్తిగా గ్రహగతుల ఆధారంగా ఇచ్చినదే. కానీ సరైన ట్రేడింగ్ నిర్ణయాలు తీసుకునే ముందు పైన ఇచ్చిన ఆస్ట్రో సూచనను టెక్నాకల్స్ తో జత చేసి గమనించుకోవాలి. 

v  ఇంట్రా ట్రేడింగ్ రిస్క్ తో కూడుకున్న వ్యవహారం. ఆస్ట్రో సూచనను వాస్తవిక మార్కెట్ కదలికలతో జత చేసి చూసుకోవాలి. టెక్నికల్స్ కు అదనంగా ఇది ఒక సాధనం మాత్రమే. వ్యక్తిగత ఖగోళ చార్ట్ ఆధారంగా లాభ నష్టాలు ఆధారపడి ఉంటాయి. ఆస్ట్రో పండితుడు కేవలం ఏమి జరగవచ్చు అనేది సూచనగా చెబుతాడు. ఫై విశ్లేషణ ఆధారంగా మీరు తీసుకునే నిర్ణయాలకు మా బాధ్యత లేదు.  

గట్టి స్టాప్ లాస్ పాటించండి. క్రమశిక్షణతో విజయవంతంగా ట్రేడ్ చేయండి. 

- డాక్టర్ భువనగిరి అమరనాథ శాస్త్రి, ఆస్ట్రో టెక్నికల్ అనలిస్ట్