విద్యుత్ వాహ‌నాల‌పై కొత్త త‌రం మ‌క్కువ‌

కొత్త త‌రానికి చెందిన కారు కొనుగోలుదారుల్లో ఎక్కువ మంది కొత్త త‌రానికి చెందిన ఇంధ‌నంతో న‌డిచే వాహ‌నాలు (ఎన్ఇవి) కొనుగోలు చేయ‌డంపై ఆస‌క్తి ప్ర‌ద‌ర్శిస్తున్నారు. క‌నీసం 2030 నాటికి తాము ఎన్ఇవి  కొనాల‌నుకుంటున్నామ‌ని వారు ఒక స‌ర్వేలో తెలిపారు. పెట్రోల్‌, డీజిల్ వాహ‌నాల ధ‌ర‌ల‌తో పోల్చితే విద్యుత్ వాహ‌నాల‌పై 49 శాతం అధికంగా ఖ‌ర్చు చేయ‌డానికి కూడా తాము సిద్ధంగా ఉన్న‌ట్టు అధిక శాతం మంది చెప్పారు. వాహ‌నాల కొనుగోలుపై కొత్త త‌రం వినియోగ‌దారుల మ‌నోర‌ధం తెలుసుకునేందుకు అర్బ‌న్ సైన్స్ త‌ర‌ఫున‌ హారిస్ పోల్ ఈ స‌ర్వే నిర్వ‌హించింది. ఇండియా, అమెరికా, ఆస్ర్టేలియా, చైనా, జ‌ర్మ‌నీల్లో ఈ స‌ర్వే నిర్వ‌హించారు. 

స‌ర్వే ముఖ్యాంశాలు...

-  క‌నీసం ఈ ద‌శాబ్ది చివ‌రి నాటికి విద్యుత్  కారు కొనాల‌న్నఅభిప్రాయం 83 శాతం మంది ప్ర‌క‌టించారు. 

- భార‌త్‌లో ఇవి చార్జింగ్ నెట్‌వ‌ర్క్‌ను ప్ర‌ధాన న‌గ‌రాలు, ద్వితీయ శ్రేణి న‌గ‌రాల‌కు విస్త‌రించ‌డం ఇవిల ప‌ట్ల కొనుగోలుదార్ల‌లో ఆస‌క్తి పెరిగింది. 

- దేశ‌వ్యాప్తంగా ప్ర‌స్తుతం వివిధ న‌గ‌రాల్లోను, జాతీయ ర‌హ‌దారుల వెంబ‌డి 6000 చార్జింగ్  స్టేష‌న్లు ఏర్పాట‌య్యాయి. 2027 నాటికి అవి ల‌క్ష‌కు పెరుగుతాయ‌ని అంచ‌నా. 

- ప్ర‌భుత్వ సానుకూల విధాన చ‌ర్య‌ల కార‌ణంగా ప్ర‌జ‌ల్లో ఇవిల ప‌ట్ల సానుకూల దృక్ప‌థం ఏర్ప‌డింది.

రెండు బుల్స్ ఏక‌కాలంలో వీరంగం

దేశంలో ఈక్విటీ మార్కెట్‌, బులియ‌న్ మార్కెట్ రెండూ ఉత్సాహంతో ఉర‌క‌లెత్తుతున్నాయి. గ‌త వారంలో అమెరిక‌న్ ఫెడ‌ర‌ల్ కీల‌క వ‌డ్డీరేటును 0.50 శాతం మేరకు త‌గ్గించ‌డంతో ఏర్ప‌డిన ఉత్సాహం అలాగే కొన‌సాగుతోంది. వ‌రుస‌గా మూడు రోజులుగా మార్కెట్ అద్భుత‌మైన ర్యాలీలో పురోగ‌మిస్తోంది. అంత‌ర్జాతీయ మార్కెట్ల నుంచి అందిన‌ బ‌ల‌మైన సంకేతాల మ‌ద్ద‌తుతో  సోమ‌వారం సెన్సెక్స్ 384.30 పాయింట్ల మేర‌కు లాభ‌ప‌డి జీవిత కాల గ‌రిష్ఠ స్థాయి 84928.61 వ‌ద్ద ముగిసింది. ఇంట్రాడేలో సెన్సెక్స్ 436.22 పాయింట్లు లాభ‌ప‌డి 84980.53 స్థాయిని తాకింది. ఇది కూడా జీవిత‌కాల గ‌రిష్ఠ స్థాయి. ఎన్ఎస్ఇ ప్ర‌ధాన సూచీ నిఫ్టీ 50 కూడా అదే జోరులో జీవిత‌కాల గ‌రిష్ఠ స్థాయిల‌ను న‌మోదు చేసింది. ఇంట్రాడేలో 25956 పాయింట్ల‌ను తాకిన నిఫ్టీ చివ‌రికి 148.10 పాయింట్ల మేర‌కు లాభ‌ప‌డి 25939.05 వ‌ద్ద ముగిసింది. బిఎస్ఇ మిడ్ క్యాప్‌, స్మాల్ క్యాప్ సూచీలు కూడా 0.73 శాతం వంతున లాభ‌ప‌డ్డాయి. గ‌త శుక్ర‌వారంనాడు సెన్సెక్స్ 1359.51 పాయింట్ల మేర‌కు లాభ‌ప‌డి 84544.31 వ‌ద్ద ముగిసింది. నిఫ్టీ కూడా 375.15 పాయింట్ల మేర‌కు లాభ‌ప‌డి 25790.95 వ‌ద్ద ముగిసింది. 

- 3 రోజుల వ‌రుస ర్యాలీలో బిఎస్ఇలో లిస్టింగ్ అయిన కంపెనీల మార్కెట్ విలువ రూ.8,30,975.85 కోట్ల మేర‌కు పెరిగి రూ.4,76,03,923.17 కోట్లకు (5.70 ల‌క్ష‌ల కోట్ల డాల‌ర్లు) చేరింది. 

బంగారానిదీ అదే దారి...

బులియ‌న్ మార్కెట్లో 99.9 స్వ‌చ్ఛ‌త గ‌ల 10 గ్రాముల బంగారం రూ.600 మేర‌కు పెరిగి రూ.76,950 వ‌ద్ద ముగిసింది. అలాగే 99.5 స్వ‌చ్ఛ‌త గ‌ల 10 గ్రాముల బంగారం రూ.600 మేర‌కు పెరిగి రూ.76,000 ప‌లికింది. పెరిగిన భౌగోళిక రాజ‌కీయ ఉద్రిక్త‌త‌లు ప్ర‌ధానంగా ప‌శ్చిమాసియాలో పూర్తి స్థాయి యుద్ధం చెల‌రేగ‌వ‌చ్చున‌న్న భ‌యాలు బంగారం ధ‌ర‌లు పెర‌గ‌డానికి కార‌ణ‌మ‌య్యాయి. అలాగే ఆభ‌ర‌ణాల త‌యారీదారులు, వ‌ర్త‌కుల నుంచి డిమాండు పెర‌గ‌డం కూడా బంగారం ధ‌ర‌లు పెర‌గ‌డానికి కార‌ణం. ఇదిలా ఉండ‌గా వెండి ధ‌ర మాత్రం ఏడు రోజుల ర్యాలీకి చెక్ చెప్పి కిలో రూ.1000 మేర‌కు త‌గ్గి రూ.90,000 వ‌ద్ద స్థిర‌ప‌డింది. 

ఏడాదిలో ఇప్ప‌టికి 27 శాతం అప్‌

దేశీయ మార్కెట్లో  బంగారం ధ‌ర ఈ ఏడాదిలో ఇప్ప‌టికి 27 శాతం పెరిగి జీవిత‌కాల గ‌రిష్ఠ స్థాయిల‌కు దూసుకుపోయాయి. ప్ర‌పంచ మార్కెట్లో  కూడా క‌మోడిటీ ఎక్స్ఛేంజిలో బంగారం ధ‌ర ఔన్సు 0.04 శాతం పెరిగి జీవిత‌కాల గ‌రిష్ఠ స్థాయి 2647.30 డాల‌ర్ల‌కు చేరింది. 

ఈ వారంలో 26100 పైన బుల్లిష్

సెప్టెంబర్ 23-27 తేదీల మధ్య వారానికి ఆస్ట్రో టెక్నికల్ గైడ్   

నిఫ్టీ   :  25791 (+434) 

   

గత వారంలో నిఫ్టీ 24849 - 25336 పాయింట్ల మధ్యన కదలాడి 434 పాయింట్ల లాభంతో 25791 వద్ద ముగిసింది. రాబోయే వారాంతంలో 26100  కన్నా పైన ముగిస్తే స్వల్ప కాలానికి బుల్లిష్ అవుతుంది. 

- 20, 50, 100, 200 డిఎంఏలు 25530, 25418, 25238, 25030 వద్ద ఉన్నాయి. ఇవి నిరోధ, మద్దతు స్థాయిలుగా నిలుస్తాయి. 50 డిఎంఏ 200  డిఎంఏ కన్నా పైన ఉండడం దీర్ఘకాలిక బుల్లిష్  ట్రెండ్ సంకేతం. 

- దీర్ఘకాలిక, మధ్యకాలిక ధోరణులు రెండూ బుల్లిష్ గానే ఉన్నాయి. ఈ వారాంతానికి 26100 కన్నా ఫైన ముగిస్తే స్వల్పకాలిక ధోరణి కూడా బుల్లిష్ అవుతుంది.   

బ్రేకౌట్ స్థాయి : 26100      బ్రేక్ డౌన్ స్థాయి : 25300

నిరోధ స్థాయిలు : 26000, 26100, 26200 (25900 పైన బుల్లిష్) 

మద్దతు స్థాయిలు : 25600, 25500, 25400 (25700 దిగువన బేరిష్)

ఇన్వెస్టర్లకు సూచన : వారం ప్రారంభ స్థాయి కీలకం. ఆ పైన మాత్రమే పొజిషన్లు శ్రేయస్కరం

-------------------------------------- 

Ø  గ్రహగతులివే...

ü  వృషభంలోని రోహిణి  పాదం 2 నుంచి కర్కాటకంలోని పుష్యమి పాదం 3 మధ్యలో చంద్ర సంచారం

ü   కన్యలోని ఉత్తర పాదం 3 - హస్త పాదం 1 మధ్యలో రవి సంచారం 

ü   మకరంలోని ఉత్తరాషాఢ పాదం 1-4 మధ్యలో   బుధ సంచారం

ü తులలోని చిత్త పాదం 4 - స్వాతి పాదం 2 మధ్యలో శుక్ర సంచారం

ü మిథునంలోని ఆర్ద్ర పాదం  3-4 మధ్యలో కుజ  సంచారం

ü వృషభంలోని మృగశిర పాదం 2 లో కన్య నవాంశలో  బృహస్పతి  సంచారం

ü  కుంభంలోని పూర్వాభాద్ర పాదం 1లో మేష నవాంశలో వక్రగతిలో శని సంచారం

ü  మీనంలోని ఉత్తరాభాద్ర  పాదం 3లో రాహువు, కన్యలోని హస్త పాదం 1లో కేతువు వృషభ, మేష నవాంశల్లో సంచారం      

--------------------------------- 

మిడ్ సెషన్ మెరుగు (సోమవారానికి)  

తిథి :  భాద్రపద శుక్ల షష్ఠి                                                                

నక్షత్రం : రోహిణి                             

అప్రమత్తం :    పునర్వసు, విశాఖ, పూర్వాభాద్ర  నక్షత్ర; వృషభ, కన్య రాశి జాతకులు    

ట్రెండ్ మార్పు సమయం : 10.28

ఇంట్రాడే ట్రెండ్ : నిఫ్టీ ఉదయం 10.23 వరకు నిలకడగా ఉంటూ ఆ తర్వాత 12.37 వరకు మెరుగ్గా ట్రేడయ్యే ఆస్కారం ఉంది. ఆ తర్వాత చివరిలో నిలకడగా ట్రేడ్ కావచ్చు. 

ట్రేడింగ్ వ్యూహం : నిఫ్టీ ఫ్యూచర్స్ ఉదయం 11 గంటల సమయానికి ఎటిపి కన్నా ఫైన ట్రేడవుతుంటే తగు స్టాప్ లాస్ తో లాంగ్  పొజిషన్లు తీసుకుని 2.45 గంటల సమయంలో క్లోజ్ చేసుకోవచ్చు.   

టెక్నికల్ స్థాయిలు... 

నిరోధం : 25900, 25975     మద్దతు : 25790, 24725

--------------------------------------------  

సూచన  

v  నిరోధ స్థాయిలు మధ్యాహ్న సెషన్ లోపు తాకినట్టయితే గరిష్ఠ స్థాయిల్లో కొనుగోళ్లు నివారించాలి. బుల్లిష్ లెవెల్ వరకు పుల్ బ్యాక్ ఏర్పడితే రిస్క్ భరించగల ట్రేడర్లు షార్ట్ పొజిషన్లు పరిశీలించవచ్చు. 

v  మద్దతు స్థాయిలు మధ్యాహ్న సెషన్ లోపు తాకినట్టయితే కనిష్ఠ  స్థాయిల్లో కొనుగోళ్లు నివారించాలి. బేరిష్ ట్రిగ్గర్ స్థాయి వరకు పుల్ బ్యాక్ ఏర్పడితే రిస్క్ భరించగల ట్రేడర్లు లాంగ్ పొజిషన్లు పరిశీలించవచ్చు.  

v  పైన ఇచ్చిన ఇంట్రా డే ధోరణి పూర్తిగా గ్రహగతుల ఆధారంగా ఇచ్చినదే. కానీ సరైన ట్రేడింగ్ నిర్ణయాలు తీసుకునే ముందు పైన ఇచ్చిన ఆస్ట్రో సూచనను టెక్నాకల్స్ తో జత చేసి గమనించుకోవాలి. 

v  ఇంట్రా ట్రేడింగ్ రిస్క్ తో కూడుకున్న వ్యవహారం. ఆస్ట్రో సూచనను వాస్తవిక మార్కెట్ కదలికలతో జత చేసి చూసుకోవాలి. టెక్నికల్స్ కు అదనంగా ఇది ఒక సాధనం మాత్రమే. వ్యక్తిగత ఖగోళ చార్ట్ ఆధారంగా లాభ నష్టాలు ఆధారపడి ఉంటాయి. ఆస్ట్రో పండితుడు కేవలం ఏమి జరగవచ్చు అనేది సూచనగా చెబుతాడు. ఫై విశ్లేషణ ఆధారంగా మీరు తీసుకునే నిర్ణయాలకు మా బాధ్యత లేదు.  

గట్టి స్టాప్ లాస్ పాటించండి. క్రమశిక్షణతో విజయవంతంగా ట్రేడ్ చేయండి. 

- డాక్టర్ భువనగిరి అమరనాథ శాస్త్రి, ఆస్ట్రో టెక్నికల్ అనలిస్ట్