చిన్న షేర్ల‌పై చింత అవ‌సరం లేదు

ఈక్విటీ మార్కెట్లో  స్మాల్ క్యాప్, మిడ్ క్యాప్ స్టాక్ ల గురించి చింతించ‌వ‌ల‌సిన అవ‌స‌రం లేద‌ని విశ్లేష‌కులంటున్నారు. ఇటీవ‌ల కాలంలో స్మాల్ క్యాప్‌, మిడ్ క్యాప్ కంపెనీల షేర్ల విలువ‌లు  వాస్త‌వ స్థితి క‌న్నా చాలా ఎక్కువ‌గా ఉన్నాయంటూ మార్కెట్ రెగ్యులేట‌ర్  సెబీ హెచ్చ‌రించిన నేప‌థ్యంలో విశ్లేష‌కులు ఈ అభిప్రాయం ప్ర‌క‌టించారు. వాటి ఆదాయాల‌ను బ‌ట్టే విలువ‌లు కూడా ఉంటాయ‌ని వారు పేర్కొన్నారు. అయితే స్వ‌ల్ప‌కాలంలో ఈ షేర్ల‌లో ఆటుపోట్లు అధికంగానే ఉంటాయ‌ని, కాని దీర్ఘ‌కాలంలో మాత్రం అవి బుల్లిష్ గానే ఉంటాయ‌ని వారు అభిప్రాయ‌ప‌డ్డారు. పునాదులు ప‌టిష్ఠంగా ఉంది త్రైమాసికాల వారీగా ఆదాయాలు పెరుగుతూ ఉన్నంత కాలం విలువ‌ల ఆధారంగా దీర్ఘ‌కాలంలో మార్కెట్  బ‌లంగానే కొన‌సాగుతుంద‌ని వేల్యూ స్టాక్స్  స్మాల్ కేస్ ఫండ్ మేనేజ‌ర్ శైలేష్  స‌రాఫ్ అన్నారు. భార‌త వృద్ధిరేటు, కార్పొరేట్ ఆదాయాల పెరుగుద‌ల ఆధారంగా తాను ఈ అంచ‌నా ప్ర‌క‌టిస్తున్న‌ట్టు తెలిపారు. ఎన్ఎస్ఇలో లిస్టింగ్ అయిన అన్ని కంపెనీల త్రైమాసిక ఆదాయాలు 2023 డిసెంబ‌రు నాటికి రూ.3,62,973 కోట్లున్న‌ట్టు వేల్యూ స్టాక్స్ గ‌ణాంకాలు తెలుపుతున్నాయి. 

-------------------------------------- 

"ప్ర‌భుత్వ రంగ సంస్థ‌ల షేర్ల ప‌ట్ల నాది బుల్లిష్ వైఖ‌రే. 2023 సంవ‌త్స‌రంలో నిఫ్టీ పిఎస్ఇ ఇండెక్స్ 77 శాతం పెరిగింది. ఇదే కాలంలో నిఫ్టీ 50 రాబ‌డి 20 శాతం ఉంది. 2024 సంవ‌త్స‌రంలో కూడా ఇప్ప‌టివ‌ర‌కు నిఫ్టీ 50 రాబ‌డి కేవ‌లం 3 శాతం ఉంటే పిఎస్ఇ ఇండెక్స్  మాత్రం 21 శాతం రాబ‌డి ఇచ్చింది. నిఫ్టి పిఎస్ఇ ఇండెక్స్  ప్ర‌స్తుతం 10 పిఇలో (ఒక్కో షేరుపై వ‌స్తున్న రాబ‌డితో పోల్చితే కంపెనీ షేరు విలువ‌నే పిఇ అంటారు)  ట్రేడ‌వుతున్నందు వ‌ల్ల భ‌విష్య‌త్తులో మ‌రింత లాభాల‌కు ఆస్కారం ఉంది. విలువ‌లు ఇప్ప‌టికీ ఆక‌ర్ష‌ణీయంగా ఉన్నందు వ‌ల్ల ఇన్వెస్ట‌ర్లు  పిఎస్ యు థీమ్ లో ఇన్వెస్ట్ చేయ‌వ‌చ్చు"

- స‌రాఫ్ 

-------------------------------------  

ఈ ఏడాది ఫిబ్ర‌వ‌రిలో ఈక్విటీల్లోకి నిక‌రంగా రూ.26,866 కోట్ల నిధులు రావ‌డం పాజిటివ్ ధోర‌ణి కొన‌సాగుతున్న‌ద‌నేందుకు సంకేతం. 36 నెల‌లుగా ఈ సానుకూల ధోర‌ణి కొన‌సాగుతూనే ఉంది. భార‌త ఈక్విటీ మార్కెట్  పై ఇన్వెస్ట‌ర్ల చెక్కుచెద‌ర‌ని విశ్వాసానికి ఇది నిద‌ర్శ‌న‌మ‌ని ప్ర‌భుదాస్ లీలాధ‌ర్ ఇన్వెస్ట్  మెంట్ స‌ర్వీసెస్ హెడ్  పంక‌జ్ శ్రేష్ఠ అన్నారు. 

స్వ‌ల్ప‌కాలంలో ఆటుపోట్లు త‌ప్ప‌వు

ఎన్నిక‌ల ఫ‌లితాల విష‌యంలో స్టాక్ మార్కెట్ ఎప్పుడూ సానుకూలంగానే స్పందిస్తుంద‌ని వేల్యూ స్టాక్స్ అధ్య‌య‌నంలో తేలింది. అయితే ఎన్నిక‌ల‌కు ముందు నెల‌ల్లో మాత్రం ఆటుపోట్లు భారీగా ఉంటాయ‌ని హెచ్చ‌రించింది. స‌మీప భ‌విష్య‌త్తులో స్మాల్ క్యాప్‌, మిడ్ క్యాప్ షేర్ల ధ‌ర‌లు నిస్తేజంగా ఉంటాయ‌ని ట్రేడ్ జినీ చీఫ్ ఆప‌రేటింగ్ ఆఫీస‌ర్ త్రివేష్ డి అన్నారు. లాభాల స్వీకారం, సంవ‌త్స‌రాంత‌పు అకౌంట్  స‌ద్దుబాట్లు, విలువ‌ల్లో మొగ్గు కార‌ణంగా 10 శాతం మేర‌కు క‌రెక్ష‌న్ ఏర్ప‌డే అవ‌కాశం కూడా ఉంద‌ని ఆయ‌న అభిప్రాయ‌ప‌డ్డారు. అయితే మార్కెట్లో ప్ర‌స్తుతం జ‌రుగుతున్న స‌ద్దుబాట్ల ప్ర‌భావంతో షేర్ల విలువ‌ల్లో మ‌రింత స్థిర‌త్వం ఏర్ప‌డే అవ‌కాశం ఉన్న‌ట్టు ఆయ‌న చెప్పారు. ఈ క‌రెక్ష‌న్ దీర్ఘ‌కాలిక ఇన్వెస్ట‌ర్ల‌కు చ‌క్క‌ని పెట్టుబ‌డి అవ‌కాశంగా నిలుస్తుంద‌ని చెప్పారు. స్మాల్ క్యాప్ ల‌లో అర్ధ‌వంత‌మైన క‌రెక్ష‌న్ ఏర్ప‌డిన‌ప్ప‌టికీ కొన్ని విలువ‌లు మాత్రం అధికంగా ఉండ‌డం వ‌ల్ల మార్కెట్ కొంత కాలం పాటు నిస్తేజంగానే ఉండ‌వ‌చ్చున‌ని పోర్ట్ ఫోలియో మేనేజ్‌మెంట్ స‌ర్వీసుల కంపెనీ ఈక్విట్రీ కేపిట‌ల్ సిఐఓ  ప‌వ‌న్  భ‌రాడియా అన్నారు. ఇన్వెస్ట‌ర్లు అధిక‌ నాణ్య‌త గ‌ల షేర్లు కొనుగోలు చేయ‌డానికి ఈ క‌రెక్ష‌న్ ను అవ‌కాశంగా ఉప‌యోగించుకోవ‌చ్చున‌ని సూచించారు.

 

భార‌త ఐటి "నీర‌స‌మే"

దేశంలో ఐటి రంగం ఆదాయాలు 2025 ఆర్థిక సంవ‌త్స‌రంలో నిస్తేజంగానే ఉండ‌వ‌చ్చున‌ని రేటింగ్ ఏజెన్సీ ఇక్రా రేటింగ్స్  చెబుతోంది.  వ‌చ్చే ఆర్థిక సంవ‌త్స‌రంలో ఐటి రంగం ఆదాయాల్లో వృద్ధి 3-5 శాతం మ‌ధ్య‌న మాత్ర‌మే ఉంటుంద‌ని అంచ‌నా వేసింది. వృద్ధి జోరందుకునే లోగా స‌మీప భ‌విష్య‌త్తులో ఐటి రంగంలో ఉద్యోగావ‌కాశాలు అంతంత‌మాత్రంగానే ఉంటాయ‌ని కూడా పేర్కొంది. అయిన‌ప్ప‌టికీ కంపెనీల లాభ‌దాయ‌క‌త మాత్రం స్థితిస్థాప‌కంగా ఉంటుంద‌ని, లాభాల మార్జిన్లు కూడా ఆరోగ్య‌వంతంగా 21-22 శాతం మ‌ధ్య‌న ఉండ‌వ‌చ్చున‌ని తాజా నివేదిక‌లో అంచ‌నా వేసింది. భార‌త ఐటి రంగం ప‌రిమాణం ప్ర‌స్తుతం 25,000 కోట్ల డాల‌ర్లుంది. 2023-24 ఆర్థిక సంవ‌త్స‌రం తొలి తొమ్మిది నెల‌ల కాలంలో ప‌రిశ్ర‌మ ఆదాయాల వృద్ధి గ‌త అంచ‌నా 3-5 శాతానికి భిన్నంగా 2 శాతానికి కుంచించుకుపోయింద‌ని తెలిపింది. 2022-23 ఆర్థిక సంవ‌త్స‌రంలో ఇదే కాలంలో వృద్ధి ఆరోగ్య‌వంతంగా 9.2 శాతం ఉంది.

అమెరికా, యూర‌ప్ దేశాల్లో స్థూల ఆర్థిక ప్ర‌తికూల‌త‌లు ఐటి రంగం ఆదాయాలు త‌గ్గ‌డానికి కార‌ణ‌మ‌ని విశ్లేషించింది. ఆర్థిక ప్ర‌తికూల‌త‌ల కార‌ణంగా ఆయా దేశాల్లో విచ‌క్ష‌ణాత్మ‌క వ్య‌యం త‌గ్గించార‌ని ఇక్రా ఐటి విభాగం హెడ్ దీప‌క్ జోత్వాని అన్నారు. అయితే ముఖ్య‌మైన వ్య‌యాలు, వ్య‌య‌నియంత్ర‌ణ‌తో కూడిన డీల్స్  కొన‌సాగుతాయ‌ని, అవి కొంత మేర‌కు ఐటి రంగానికి ఊతంగా ఉండ‌వ‌చ్చున‌ని ఆయ‌న అన్నారు. ఈ ప్ర‌తికూల‌త‌ల‌న్నీ ఉప‌శ‌మించ‌గానే ఐటి రంగంలో వృద్ధి జోరందుకుంటుంద‌ని ఇక్రా అంచ‌నా వేసింది. ఈ విభాగంలో నియామ‌క కార్య‌క్ర‌మాలు మంద‌కొడిగానే ఉన్న‌ప్ప‌టికీ స‌మీప భ‌విష్య‌త్తులో ఉద్యోగుల వ‌ల‌స దీర్ఘకాలిక స‌గ‌టు 12-13 శాతానికి త‌గ్గ‌వ‌చ్చున‌ని పేర్కొంది. అయితే కొత్త ఆర్థిక సంవ‌త్స‌రంలో ఐటి రంగానికి ఇక్రా స్టేబుల్ రేటింగ్ ఇచ్చింది. 

ఈ వారంలో 21750 దిగువన బేరిష్

మార్చి 18-22 తేదీల మధ్య వారానికి ఆస్ట్రో టెక్నికల్ గైడ్   

నిఫ్టీ   :  22023 (-417) 

  

గత వారంలో నిఫ్టీ 22527 - 21917 పాయింట్ల మధ్యన కదలాడి 417 పాయింట్ల  లాభంతో  22023 వద్ద ముగిసింది. రాబోయే వారాంతంలో 21750 కన్నాదిగువన ముగిస్తే స్వల్ప కాలానికి బేరిష్ అవుతుంది. 

- 20, 50, 100, 200 డిఎంఏలు 21869, 21787, 20502, 20088 వద్ద ఉన్నాయి. ఇవి నిరోధ, మద్దతు స్థాయిలుగా నిలుస్తాయి. 50 డిఎంఏ 200  డిఎంఏ కన్నా పైకి రావడం దీర్ఘకాలిక బుల్లిష్  ట్రెండ్ సంకేతం. 

బ్రేకౌట్ స్థాయి : 22425        బ్రేక్ డౌన్ స్థాయి : 21625

నిరోధ స్థాయిలు : 22225, 22325, 22425 (22125 పైన బుల్లిష్) 

మద్దతు స్థాయిలు : 21825, 21725, 21625 (22400 దిగువన బేరిష్)

ఇన్వెస్టర్లకు సూచన : వారం ప్రారంభ స్థాయి కీలకం. ఆ పైన మాత్రమే పొజిషన్లు శ్రేయస్కరం

--------------------------------------    

Ø  గ్రహగతులివే...

ü మిథునంలోని ఆర్ద్ర  పాదం 3 నుంచి సింహంలోని మఖ పాదం 3 మధ్యలో చంద్ర సంచారం

ü  మీనంలోని  ఉత్తరాభాద్ర  పాదం 1-2 మధ్యలో రవి సంచారం 

ü మీనంలోని  ఉత్తరాభాద్ర పాదం 2-3 మధ్యలో బుధ సంచారం

ü  కుంభంలోని శతభిషం పాదం 3-4 మధ్యలో శుక్ర సంచారం

ü కుంభంలోని ధనిష్ఠ పాదం 3-4 మధ్యలో  కుజ సంచారం

ü మేషంలోని భరణి  పాదం 3లో తుల నవాంశలో బృహస్పతి  సంచారం

ü  కుంభంలోని శతభిషం పాదం 4లో మీన నవాంశలో శని సంచారం

ü  మీనంలోని రేవతి పాదం 3లో రాహువు, కన్యలోని హస్త పాదం 4లో కేతువు కర్కాటక, సింహ నవాంశల్లో సంచారం        

--------------------------------- 

మిడ్ సెషన్ మెరుగు (సోమవారానికి)  

తిథి :  ఫాల్గుణ  శుక్ల నవమి                                                           

నక్షత్రం : ఆర్ద్ర                                  

అప్రమత్తం :      ఆశ్లేష, జ్యేష్ఠ, రేవతి నక్షత్ర; కర్కాటక, వృశ్చిక  రాశి  జాతకులు   

ట్రెండ్ మార్పు సమయం : 11.44

ఇంట్రాడే ట్రెండ్ : నిఫ్టీ ఉదయం 9.54 వరకు నిస్తేజంగా ఉంటూ ఆ తర్వాత 11.54 వరకు మెరుగ్గా ట్రేడయ్యే ఆస్కారం ఉంది. తదుపరి 2.07 వరకు నిస్తేజంగా ఉంది ఆ తర్వాత  చివరి వరకు నిలకడగా  ట్రేడ్ కావచ్చు. 

ట్రేడింగ్ వ్యూహం : నిఫ్టీ ఫ్యూచర్స్ ఉదయం 10 గంటల సమయానికి ఎటిపి కన్నా ఫైన ట్రేడవుతుంటే తగు స్టాప్ లాస్ తో లాంగ్  పొజిషన్లు తీసుకుని 11.50  గంటల సమయంలో క్లోజ్ చేసుకోవాలి.  

టెక్నికల్ స్థాయిలు... 

నిరోధం : 22130, 22250     మద్దతు : 21930, 21850

--------------------------------------------  

సూచన  

v  నిరోధ స్థాయిలు మధ్యాహ్న సెషన్ లోపు తాకినట్టయితే గరిష్ఠ స్థాయిల్లో కొనుగోళ్లు నివారించాలి. బుల్లిష్ లెవెల్ వరకు పుల్ బ్యాక్ ఏర్పడితే రిస్క్ భరించగల ట్రేడర్లు షార్ట్ పొజిషన్లు పరిశీలించవచ్చు. 

v  మద్దతు స్థాయిలు మధ్యాహ్న సెషన్ లోపు తాకినట్టయితే కనిష్ఠ  స్థాయిల్లో కొనుగోళ్లు నివారించాలి. బేరిష్ ట్రిగ్గర్ స్థాయి వరకు పుల్ బ్యాక్ ఏర్పడితే రిస్క్ భరించగల ట్రేడర్లు లాంగ్ పొజిషన్లు పరిశీలించవచ్చు.  

v  పైన ఇచ్చిన ఇంట్రా డే ధోరణి పూర్తిగా గ్రహగతుల ఆధారంగా ఇచ్చినదే. కానీ సరైన ట్రేడింగ్ నిర్ణయాలు తీసుకునే ముందు పైన ఇచ్చిన ఆస్ట్రో సూచనను టెక్నాకల్స్ తో జత చేసి గమనించుకోవాలి. 

v  ఇంట్రా ట్రేడింగ్ రిస్క్ తో కూడుకున్న వ్యవహారం. ఆస్ట్రో సూచనను వాస్తవిక మార్కెట్ కదలికలతో జత చేసి చూసుకోవాలి. టెక్నికల్స్ కు అదనంగా ఇది ఒక సాధనం మాత్రమే. వ్యక్తిగత ఖగోళ చార్ట్ ఆధారంగా లాభ నష్టాలు ఆధారపడి ఉంటాయి. ఆస్ట్రో పండితుడు కేవలం ఏమి జరగవచ్చు అనేది సూచనగా చెబుతాడు. ఫై విశ్లేషణ ఆధారంగా మీరు తీసుకునే నిర్ణయాలకు మా బాధ్యత లేదు.  

గట్టి స్టాప్ లాస్ పాటించండి. క్రమశిక్షణతో విజయవంతంగా ట్రేడ్ చేయండి. 

- డాక్టర్ భువనగిరి అమరనాథ శాస్త్రి, ఆస్ట్రో టెక్నికల్ అనలిస్ట్ 

“రిస్క్” గానే భావించాను

 

అది 1981 సంవ‌త్స‌రం. నేటి ఐటీ దిగ్గ‌జాల్లో ఒక‌టైన ఇన్ఫోసిస్  స్థాప‌న ఆలోచ‌న కంపెనీ స‌హ వ్య‌వ‌స్థాప‌కుల్లో ఒక‌రైన నారాయ‌ణ మూర్తి మ‌దిలో మెదిలింది. త‌న భార్య సుధామూర్తి ద‌గ్గ‌ర ఆ విష‌యం ప్ర‌స్తావించారు. కంపెనీ ప్రారంభించేందుకు సీడ్  కేపిట‌ల్ అవ‌స‌రం అయింది. తాను పొదుపు చేసుకున్న రూ.10,250లో నుంచి రూ.10,000 ఆమె ఆ అవ‌స‌రానికి ఇచ్చారు. కాని నాడు “రిస్క్”  తీసుకుంటున్నాన‌న్న భావ‌న‌తోనే ఆ సొమ్ము ఆయ‌నకు ఇచ్చాన‌ని ఇటీవ‌లే రాజ్య‌స‌భ స‌భ్యురాలుగా ప్ర‌మాణ స్వీకారం చేసిన సుధామూర్తి నాటి జ్ఞాప‌కాలు గుర్తు చేసుకుంటూ చెప్పారు. ఇండియా టుడే కాంక్లేవ్ లో ఆమె మాట్లాడుతూ అప్ప‌టికే నారాయ‌ణ‌మూర్తి ఒక వెంచ‌ర్  ప్రారంభించి విఫ‌లం అయ్యారు. ఈ కార‌ణంగా త‌న పొదుపు మొత్తంలో నుంచి రూ.250 మాత్రం ఉంచుకుని మిగ‌తా మొత్తం ఇచ్చాన‌న్నారు.

నాటి జ్ఞాప‌కాలు నెమ‌రువేసుకుంటూ ఆ రోజు త‌న భ‌ర్త‌ నారాయ‌ణ‌మూర్తి వ‌చ్చి ఒక సాఫ్ట్  వేర్  కంపెనీ ప్రారంభించాల‌నుకుంటున్నాన‌ని చెప్పిన‌ప్పుడు ఇద్ద‌రికీ మంచి వేత‌నాలు వ‌స్తున్న ఉద్యోగాలున్నాయి క‌దా, ఇంకా ఎందుకా దూకుడు అని తాను అడిగిన‌ట్టు చెప్పారు. త‌న అనుమ‌తి లేకుండా ముంద‌డుగేసేది లేద‌ని నారాయ‌ణ‌మూర్తి అప్పుడు త‌న‌కు చెప్పార‌ని ఆమె అన్నారు. “అప్ప‌టికి నా పొదుపు ఖాతాలో రూ.10,250 ఉంది. అందులో రూ.250 మాత్రం నా కోసం ఉంచుకున్నాను. గ‌తంలో కూడా సాఫ్ర్టానిక్స్  అనే సంస్థ ప్రారంభించి మూర్తి విఫ‌ల‌మైనందు వ‌ల్ల తాను రిస్క్  తీసుకుంటున్న‌ట్టుగానే నాడు భావించాను” అని చెప్పారు. కాని రాబోయే మూడేళ్ల‌లో అద్భుత‌మైన ప్ర‌యాణానికి సిద్ధంగా ఉండ‌మ‌ని నాడు ఆయ‌న ఎంతో విశ్వాసంతో చెప్పిన‌ట్టు ఆమె తెలిపారు. “ఇన్ఫోసిస్  ప్రారంభించిన త‌ర్వాత నా జీవితం పూర్తిగా మారిపోయింది.  అది ఒక బాధ్య‌త‌, ఒక క‌ట్టుబాటు” అని ఆమె అన్నారు. ఒక కంపెనీని నిర్మించ‌డం అంటే జోక్  కాద, అందుకు చాలా త్యాగాలు చేయాల్సి ఉంటుంది అన్నారామె. రాజ్య‌స‌భ స‌భ్యురాలుగా ప్ర‌మాణ స్వీకారం చేయ‌డంపై స్పందిస్తూ “73 సంవ‌త్స‌రాల వ‌య‌సులో ఇదో కొత్త అధ్యాయం, కాని నేర్చుకోవ‌డానికి వ‌య‌సు అడ్డు కాదు” అని వ్యాఖ్యానించారు. సుధా నారాయ‌ణ‌మూర్తి ప్ర‌మాణ స్వీకార స‌మ‌యంలో అక్క‌డే ఉన్న నారాయ‌ణ‌మూర్తి కూడా కాంక్లేవ్  లో మాట్లాడుతూ  “ఆమె నా క‌న్నా చాలా గొప్ప‌ద‌ని నాకు మొద‌టి రోజు నుంచి తెలుసు. ఆమె నాలో అర్ధ‌భాగంగా ఉండ‌డం నా అదృష్టం అన‌డంలో ఎలాంటి సందేహం లేదు” అన్నారు. తొలి రోజుల్లో ఆమెను ఇన్ఫోసిస్  కంపెనీలో ఒక భాగంగా ఎందుకు చేయ‌లేదు అని ప్ర‌శ్నించ‌గా జీవితం అంటేనే నేర్చుకోవ‌డం, త‌న‌ను తాను తీర్చి దిద్దుకోవ‌డం అని నారాయ‌ణ‌మూర్తి అన్నారు. “ఆ రోజుల్లో నేను గ‌ట్టి ఆద‌ర్శ‌వాదిని.  ఆ రోజుల్లో కుటుంబ నిర్వ‌హ‌ణ‌లోని సంస్థ‌ల అరుదు కాదు. ఫ్రాన్స్ నుంచి తిరిగి వ‌చ్చిన అనంత‌రం దేశం కోసం ఏదైనా భిన్నంగా చేయాల‌నుకున్నాను. అందుకే ఇన్ఫోసిస్ వ్య‌వ‌స్థాప‌కులంద‌రి క‌న్నా అత్యంత అధిక అర్హ‌త‌లున్న‌ప్ప‌టికీ కంపెనీని భార్యాభ‌ర్త‌ల కంపెనీగా కాకుండా భిన్న‌మైన‌దిగా తీర్చి దిద్దాల‌ని భావించాను. అది ఒక ఆద‌ర్శ‌వాద ద‌శ” అని మూర్తి స‌మాధానం ఇచ్చారు. తాము ఎప్పుడూ ఇన్ఫోసిస్ ను ఒక ప‌రిణ‌తి చెందిన కంపెనీగానే నిర్వ‌హించామ‌ని ఆయ‌న తెలిపారు. “నాస్ డాక్ మార్కెట్ లో లిస్టింగ్ అయిన తొలి భార‌త కంపెనీ మాది. అది ఒక గ‌ర్వ‌కార‌ణ‌మైన క్ష‌ణం” అని పేర్కొన్నారు. ఇన్ఫోసిస్ లో భాగం కానందుకు తాను విచారించ‌డంలేద‌ని సుధామూర్తి పేర్కొంటూ “ఇన్ఫోసిస్  ఫౌండేష‌న్ ద్వారా నేను వాస్త‌వ జీవితంలో ఎన్నో జీవితాల‌ను స్పృశించాను. ఏ ఇత‌ర హోదా క‌న్నా దానికే నేను విలువ ఇస్తాను” అన్నారు.