18-50 సంవ‌త్స‌రాల మధ్య వ‌య‌స్కులైన సుమారు 2 ల‌క్ష‌ల మందిని ఈ స‌ర్వే సంద‌ర్భంగా ప్ర‌శ్నించారు. ఈ స‌ర్వే ఫ‌లితాల‌ను బ‌ట్టి చూస్తే యువ‌త త‌క్ష‌ణ ప‌న్ను రాయితీల‌పై కాకుండా దీర్ఘ‌కాలిక రాబ‌డుల‌కే ప్రాధాన్యం ఇస్తున్న‌ట్టు తేలుతోంద‌ని విశ్లేష‌కులంటున్నారు. 81 శాతం మంది స్టాక్ మార్కెట్, మ్యూచువ‌ల్ ఫండ్ల‌లో ఇన్వెస్ట్ చేస్తున్న‌ట్టు చెప్పారు. పైగా ప‌న్ను ఆదా చ‌ర్య‌లు వారి పెట్టుబ‌డుల‌పై ఎలాంటి ప్ర‌భావం చూప‌లేద‌ని కూడా ఆ స‌ర్వే తేల్చింది. ప్ర‌జ‌ల్లో ఆర్థిక అక్ష‌రాస్య‌త పెర‌గ‌డం వారిలో ఇన్వెస్ట్ మెంట్ ధోర‌ణుల‌ను పెంచింద‌ని అంటున్నారు.
స‌ర్వే ముఖ్యాంశాలు...
- స‌ర్వేలో పాల్గొన్న వారిలో 76 శాతం మంది జీవితంలో తొలి సారిగా ఇన్వెస్ట్ చేస్తున్న వారే. ఐదు సంవ‌త్స‌రాల పైబ‌డి మార్కెట్ లో క్రియాశీలంగా ఉన్న వారు కేవ‌లం 5.7 శాతం ఉన్నారు.
- 18-24 సంవ‌త్స‌రాలు (39 %), 25-30 సంవ‌త్స‌రాల (34 %) వ‌యో శ్రేణిలోని వారు తొలిసారి ఇన్వెస్ట్ చేస్తున్న వారి జాబితాలో అగ్ర‌స్థానంలో ఉన్నారు. అలాగే ఈ వ‌యో శ్రేణుల్లోని వారిలో ఎక్కువ మంది ఈక్విటీల్లోనే ఇన్వెస్ట చేస్తున్నారు.
- 18-24 వ‌యో శ్రేణిలోని వారిలో 14 శాతం మంది, 25-30 వ‌యో శ్రేణి వారిలో 17 శాతం మంది మాత్ర‌మే మిగులు నిధులు మ్యూచువ‌ల్ ఫండ్ల‌లో ఇన్వెస్ట్ చేస్తున్నారు. కేవ‌లం 1 శాతం మంది ఫిక్స్ డ్ డిపాజిట్ల‌లోను, 2 శాతం మంది అమెరిక‌న్ స్టాక్ మార్కెట్ల‌లోను ఇన్వెస్ట్ చేస్తున్నారు.
- ఇక 31-40 సంవ‌త్స‌రాల వ‌యో శ్రేణిలోని వారిలో 22 శాతం మంది నేరుగా షేర్ల‌లో పెట్టుబ‌డి పెడుతుండ‌గా 15 శాతం మంది మ్యూచువ‌ల్ ఫండ్ల‌లోను, 2 శాతం మంది ఎఫ్ డిల్లోను, 3 శాతం మంది అమెరిక‌న్ షేర్ల‌లోను పెట్టుబ‌డి పెడుతున్నారు.
- నాలుగు ప‌దుల వ‌య‌సు పైబ‌డిన వారిలో 17 శాతం మంది ఈక్విటీల్లోను, 12 శాతం మంది ఎంఎఫ్ ల‌లోను, 1 శాతం మంది అమెరిక‌న్ షేర్ల‌లోను పెట్టుబ‌డి పెడుతున్నారు. ఎఫ్ డిల్లో ఇన్వెస్ట్ చేస్తున్న వారి సంఖ్య జీరో ఉంది. ఈ వ‌య‌సు ఇన్వెస్ట‌ర్లు రిటైర్మెంట్ ప్లానింగ్ మీద కూడా ఆస‌క్తి చూపుతున్నారు.
- మొత్తం అన్ని గ్రూప్ ల‌ను ప‌రిగ‌ణ‌న‌లోకి తీసుకుంటే 87 శాతం మంది షేర్ల‌లోను, 58 శాతం మంది ఎంఎఫ్ ల‌లోను ఇన్వెస్ట్ చేస్తున్నారు.
No comments:
Post a Comment